Nos Por Vence Odio!

Hasta si esey no ta e caso, probablemente bo a yega di mira odio den un manera of otro si. Nos ta scucha hopi den noticia tocante hende cu a ser trata malo pasobra nan ta di un otro pais of nacionalidad, of pasobra nan ta homosexual. Pa e motibo ey, hopi gobierno ta pone ley contra crimen motiva pa odio.

Hende cu ta sufri pa motibo di odio tambe por cuminsa odia otro hende. Hopi bes, hende cu ta victima di odio kier tuma venganza, y esey ta pone cu nan tambe ta cuminsa haya sintimento di odio.

Kisas un hende a yega di trata bo cu prehuicio, insulta bo of menasa bo. Pero hopi bes, odio ta bay mas leu ainda. E por hiba na termento, vandalismo, violacion sexual, asesinato of hasta genocidio.

E revista aki lo contesta e siguiente preguntanan y mustra nos con nos por vence odio:

• Dicon tin asina tanto odio?

• Con nos por yuda vence odio?

• Lo yega un dia cu no tin odio mas?