Con Nos Por Ta Feliz den e Tempo Insigur Aki—Kico Bijbel Ta Bisa?

Nos ta bibando den un tempo insigur, y nos no tin masha control riba loke por pasa cu nos. Pero toch nos felicidad no ta depende masha di nos circunstancia sino di nos actitud. A pesar di e problemanan cu hende ta haya nan cu ne, Bijbel ta mustra cu “hende cu curason alegre semper ta contento.” (Proverbionan 15:15) Kico nos por haci pa nos por ta mas feliz? Laga nos mira con Bijbel ta yuda nos.

Siña trata cu preocupacion

Bijbel ta bisa: “Preocupacion ta deprimi hende, pero palabra animante ta alegra nan curason.”—Proverbionan 12:25.

• Bijbel por yuda bo pa no preocupa innecesariamente. Pa haya sa con bo por haci esey, lesa e articulo na Spaño “Loke Bijbel Ta Bisa Tocante Preocupacion.”

Combati soledad

Bijbel ta bisa: “Un berdadero amigo ta stima semper; e ta un ruman cu bo por conta cu ne den tempo dificil.”—Proverbionan 17:17.

• Bijbel tin conseho cu ta yuda nos combati soledad. Pa mas informacion, bo por lesa e articulo: “Vence Soledad cu Amistad—Con Bijbel Por Yuda Bo.”

Stima Dios y stima bo prohimo

Bijbel ta bisa: “Stima Jehova bo Dios cu henter bo curason, cu henter bo alma y cu henter bo mente . . . Stima bo prohimo mescos cu bo mes.”a—Mateo 22:37-39.

• Oracion por yuda nos stima Dios mas y mas. Pa mas informacion, bo por lesa e articulo: “Dios Ta Scucha Bo Oracionnan?”

• Un manera cu nos por mustra amor na otro hende ta door di cumpli cu loke hende sa yama e Regla di Oro. Haya sa mas den e articulo: “Kico e Regla di Oro Ta?”

Ta masha importante pa nos busca pa sa den ki manera mas Bijbel por yuda nos ser feliz den e tempo insigur aki. Pesey, nos ta anima bo pa tuma un curso di Bijbel gratis.