Dios Ta Biba na un Luga Specifico?

E contesta cu Bijbel ta duna

Si. Dios ta biba na un luga specifico: den cielo. Wak e siguiente textonan di Bijbel:

Den un oracion, Rey Salomon a bisa: “Tende abo den cielo, bo luga di biba.”—1 Reynan 8:43, Beibel Santu.

Hesucristo a siña su discipelnan pa haci oracion na nan “Tata cu ta den cielo.”—Mateo 6:9.

Despues di e resureccion di Hesus, el a drenta “den cielo mes, pa presenta awor dilanti di Dios.”—Hebreonan 9:24.

E textonan ey ta mustra bon cla cu Jehova Dios ta un persona real y cu e ta biba den cielo, y no tur caminda.