Hobennan Sa Puntra—Kico Lo Mi Haci cu Mi Bida? (Parti 2)
Riba e menu principal di e DVD Hobennan Sa Puntra—Kico Lo Mi Haci cu Mi Bida? scoge e opcion Entrevistas y despues Secciones. Ora bo caba di wak e tres seccionnan, uza e preguntanan di paragraf 2 pa repasa e informacion. Bolbe na e menu principal y scoge e opcion Extras. Ora bo caba di wak e cinco entrevistanan, uza e preguntanan di paragraf 3 pa repasa loke bo a siña.
Secciones—Lo Bo Dedica Bo Mes na Dios of na Metanan sin Balor? (1) Hobennan ta bou di presion pa sigui ki metanan? (2) Con 1 Juan 2:17 por yuda hobennan dicidi con leu nan kier yega cu enseñanza avansa? (3) Pakico nos no mester laga miedo stroba nos di batisa? (4) Kico ta algun cos cu por yuda nos dal e pasonan pa yega na bautismo? Siña Disfruta di Bo Sirbishi: (5) Dicon algun hoben no ta gusta sali den sirbishi? (6) Kico por yuda nos disfruta di sirbishi? (7) Algun hoben tin miedo di papia cu hende cu nan no conoce. Kico ta duna nan mas miedo ainda y dicon? (8) Con nos por vence nos miedo y haya curashi pa papia? (9) Dicon ta importante tambe pa desaroya cierto habilidadnan den sirbishi? Un Porta Habri pa Sirbi Jehova: (10) Con e sirbishi di pionero ta yuda nos progresa den sentido spiritual? (Flp. 3:16) (11) Pakico algun ta duda pa pasa door di e porta ey? (12) Ki principionan di Bijbel por yuda nos pa no bira mucho preocupa cu nos situacion economico? (13) Kico algun pionero a haci pa por cubri nan gastonan? (14) Kico bo por haci si bo circunstancianan no ta permiti bo cuminsa cu e sirbishi di tempo completo?
Extras—E Importancia di Estudio Personal: (15) Pakico ta importante pa bo tin un bon programa di estudio personal? Otro Maneranan di Duna Testimonio: (16) Dicon nos ta haya mas goso ora nos participa den e diferente rasgonan di sirbishi? Sirbishi di Betel: (17) Kico ta algun satisfaccion cu bo ta haya ora bo ta sirbi na Betel? Scol di Entrenamento Ministerial: (18) Ki beneficio esnan cu a asisti na e scol aki (cu awor yama Scol Biblico pa Ruman Homber Soltero) a saca? Scol di Galaad pa Misionero: (19) Con Peter y Fiona a prepara pa bira misionero, y con e Scol di Galaad a yuda nan?