Hobennan Sa Puntra—Con Mi Por Haya Berdadero Amigo?

Jehova a crea nos cu e necesidad pa comunica y cera amistad. (Prov. 17:17; 18:1, 24) Pero pa nos por beneficia di bon amistad, nos mester scoge nos amigonan bon. (Prov. 13:20) Despues di wak e DVD Hobennan Sa Puntra—Con Mi Por Haya Berdadero Amigo?, purba di contesta e siguiente preguntanan.

Introduccion:

(1) Kico ta un berdadero amigo?

Obstaculo pa Cera Amistad:

(2) Kico nos por haci si nos ta sinti cu hende ta laga nos afo? (Flp. 2:4) (3) Dicon nos mester ta dispuesto pa mehora nos personalidad, y ken por yuda nos den esey? (2 Cor. 13:11) (4) Con nos por crea oportunidad pa haya mas amigo?—2 Cor. 6:13.

Amistad cu Dios:

(5) Con nos por tin un amistad mas cera cu Jehova, y dicon e esfuerso ey ta bale la pena? (Sal. 34:8) (6) Si Jehova ta nos mihor amigo, ki otro bon amistadnan nos por tin?

Mal Amigo:

(7) Ken ta mal compania? (1 Cor. 15:33) (8) Con mal amigo por pone nos kibra nos amistad cu Jehova?

Un Drama Moderno:

(9) Kico nos ta siña for di e relato biblico tocante Dina? (Gen. 34:1, 2, 7, 19) (10) Con Tara a purba hustifica su amistad cu hobennan cu no ta Testigo? (11) Den ki situacionnan peligroso Tara su amigonan di scol a hinc’e? (12) Dicon Tara su mayornan no a ripara cu e tabata den peliger? Ora nan a descubri e problema, cu ki actitud nan a yud’e recupera den sentido spiritual? (13) Con un ruman muher pionero a resulta di ta un berdadero amiga pa Tara? (14) Kico Tara a bin compronde mihor?

Conclusion:

(15) Ki lesnan bo a siña for di e DVD aki? (16) Con bo por uz’e pa yuda otro hende?

Laga nos scoge amigo cu lo yuda nos mantene e mihor amistad cu nos por tin—amistad cu Jehova Dios!—Sal. 15:1, 4; Isa. 41:8.