No Pensa Cu Bo Ta Incapas
1. Dicon algun publicador tin miedo di ofrece estudio di Bijbel?
1 Bo tin miedo di ofrece un estudio di Bijbel pasobra bo ta sinti cu bo no ta capaz pa conduci un estudio? Algun sirbidor fiel di pasado, manera Moises y Jeremias, tambe a sinti cu nan no tabata capaz pa cumpli cu nan asignacion. (Exo. 3:10, 11; 4:10; Jer. 1:4-6) Pues, e sintimento ey ta masha normal. Pero con nos por venc’e?
2. Dicon nos no mester limita nos na predica di cas pa cas y laga e trabou di conduci estudio di Bijbel pa otronan?
2 Ta bon pa nos corda cu Jehova lo no pidi nos haci algo cu nos no por haci. (Sal. 103:14) Pues, e encargo cu el a duna nos di “haci hende discipel” y “siña nan” ta algo cu nos por cumpli cu ne. (Mat. 28:19, 20) Esaki no ta un privilegio solamente pa e publicadornan mas capaz of cu mas experencia. (1 Cor. 1:26, 27) Pesey nos no mester limita nos na predica di cas pa cas y laga e trabou di conduci estudio di Bijbel pa otronan.
3. Con Jehova ta capacita nos pa conduci estudio di Bijbel?
3 Jehova Ta Capacita Nos: Jehova ta esun cu ta capacita nos pa haci discipel. (2 Cor. 3:5) Pa medio di su organisacion e ta siña nos berdadnan di Bijbel cu ni e hendenan bon siña di e mundo aki no conoce. (1 Cor. 2:7, 8) El a percura pa nos haya den su Palabra e diferente metodonan di siñansa cu Hesus, e Gran Maestro, a uza. Y continuamente nos ta haya entrenamento den congregacion. Ademas, Jehova a duna nos e hermentnan cu nos tin mester pa conduci estudio di Bijbel. Un di nan ta e buki Bijbel Ta Siña cu ta splica e berdad na un manera logico y facil pa compronde. Pues, no ta dje dificil ey pa conduci estudio di Bijbel.
4. Kico ta duna nos e confianza cu Jehova lo yuda nos?
4 Cu yudansa di Jehova, tanto Moises como Jeremias a cumpli cu nan asignacion. (Exo. 4:11, 12; Jer. 1:7, 8) Pesey, laga nos tambe pidi Jehova yuda nos. De echo, ora nos ta conduci un estudio di Bijbel, nos ta siñando hende e berdad tocante Jehova, y esey sigur ta algo agradabel den Su bista. (1 Juan 3:22) Pesey, pone e meta pa ofrece y cuminsa estudio di Bijbel. Lo bo disfruta di dje y lo bo haya hopi bendicion.