Abo Lo Imita e Celo di Jehova y di Hesus Durante e Temporada di Conmemoracion?

1. Ki extra esfuerso testigonan di Jehova ta haci durante e temporada di Conmemoracion?

¹ Jehova tin celo pa cumpli cu su proposito. Referiendo na algun di e bendicionnan cu e Reino di Dios lo trece, Isaias 9:7 ta bisa: “E celo di e SEÑOR di ehercitonan lo haci esaki.” E Yiu di Dios tambe a demostra celo pa adoracion berdadero. (Juan 2:13-17; 4:34) Tur aña durante e temporada di Conmemoracion, miyones di Testigo ta haci extra esfuerso pa ta mas activo den sirbishi y asina imita e celo di Jehova y di Hesus. Abo lo haci extra esfuerso e aña aki?

2. Kico celo lo motiva nos pa haci for di 7 di maart?

² Campaña di Conmemoracion: E aña aki, e campaña pa anuncia e Conmemoracion lo cuminsa diasabra 7 di maart. Pesey, cuminsa plania for di awor pa participa cu celo den sirbishi. Congregacionnan lo ta yen di entusiasmo ya cu lo bay haci esfuerso pa cubri mas tanto teritorio posibel. Laga nos haci nos best pa duna studiante di Bijbel, rebishita, colega di trabou, famia y compañero di scol un invitacion of uza jw.org pa invita nan.

3. Kico nos por haci pa ta mas activo den sirbishi durante maart y april?

³ Pionero Auxiliar: Celo tambe lo motiva nos pa ta mas activo den sirbishi. Sin duda, hopi di nos lo por traha pionero auxiliar durante maart y april, mirando cu nos tin e oportunidad di scoge pa traha 30 ora. Durante bo adoracion como famia of estudio personal, pensa riba con lo bo por haci esaki y pidi Jehova p’e guia bo. (Prov. 15:22) Bo entusiasmo pa e campaña aki por anima otronan pa ta mas activo den sirbishi. Si bo ahusta bo programa pa haci mas, lo bo ta imitando e celo di Hesus.—Mar. 6:31-34.

4. Ki bendicion nos lo haya ora nos imita e celo di Jehova y di Hesus?

⁴ E echo cu nos ta imita e celo di Jehova y di Hesus durante e temporada di Conmemoracion lo trece hopi bendicion. Mas hende den e teritorio lo haya testimonio. Ademas, nos lo tin e satisfaccion di sirbi Jehova y yuda otro hende. (Echo. 20:35) Y mas importante ainda, nos ta agrada Dios y su Yiu.