Motiva Otro cu Celo pa Haci Obranan Excelente

Hebreonan 10:24 ta anima nos pa “presta atencion na otro pa nos por stimula otro pa mustra amor y haci bon obra.” E ehempel cu nos ta pone y nos expresionnan di fe por motiva nos rumannan den congregacion. Conta nan di e bon experencianan cu bo tabatin den sirbishi. Laga nan mira e goso cu bo tin den sirbi Jehova. Pero no pone nan sinti cu bo ta compara nan cu bo mes ni cu otro ruman. (Gal. 6:4) Haci esfuerso pa motiva otro pa “mustra amor y haci bon obra”, sin laga otro sinti nan mes culpabel y obliga pa haci bon obra. (Wak e buki Skol di Ministerio, pag. 158, par. 4) Si nos motiva otro pa mustra amor, e ora ey obranan excelente, manera e trabou di predica of e yudansa cu nos ta duna otro den sentido material, lo bin di mes.—2 Cor. 1:24.