Orguyoso di Su Tata

‘MI A bira dobel orguyoso di mi tata!’ un mucha mohe di 12 aña a bisa den un carta cu el a manda na e oficina di Testigonan di Yehova na India. E tawata referi na e articulo “Tatanan Interesa Tin Yiu Hombernan Mas Felis”, cu a sali den e seccion “Observando Mundo” di e Spierta! di 8 di september 1999. E articulo a informa di un estudio cu a saca na cla cu ora tatanan ta mustra interes personal den nan yiu hombernan, esakinan ta bira adulto yen di confiansa y speransa.

E mucha mohe a bisa cu e ta gradicido cu e cu su ruman mohe morocho ta bendiciona di tin un tata cu ta mustra e interes personal ei den nan. El a comenta cu e gusta e manera cu Spierta! ta informa tocante susesonan mundial, y a agrega cu “e ta un revista masha util pa alumnonan djawe.”

Pa yuda famianan precupa trata cu e problemanan poco usual cu ta confronta humanidad awe, Testigonan di Yehova a publica e buki di 192 pagina E Secreto pa Felicidad den Famia. E buki aki ta duna guia practico pa tur miembro di famia: esposo, esposa, mayor, yiu, welanan, si, pa tur hende. Entre su capitulonan instructivo tin “Entrena Bo Yiu Desde Infancia”, “Yuda Bo Yiu Tiener Desaroya Su Mes Bon”, “Proteha Bo Famia di Influencianan Destructivo” y “Mantene Pas den Bo Cas.”

Pa bo haya bo ehemplar, por fabor, yena e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki. Lo bo ricibi sugerencianan spesifico cu por yuda bo soluciona problema y haci bida di famia e deleite cu e Creador tawata kier pa e ta.

□ Manda pa mi un buki E Secreto pa Felicidad den Famia.

□ Por fabor, tuma contacto cu mi pa un studio di Bijbel gratis na cas.