Bo Sa e Contesta?

(Bo por haya e contestanan di e quiz aki den e textonan di Bijbel menciona. E lista di tur contesta ta na pagina 14. Pa mas informacion, wak den e publicacion “Perspicasia pa Comprende e Scritura”, publica door di Testigonan di Yehova.)

1. Dicon Isaias ta bisa cu riba e dia di Yehova hende lo tira dios di oro y di plata pa raton djanochi? (Isaias 2:20)

2. Pakico Israelitanan no mester a cosecha tur e rand di nan cunucu? (Levitico 19:9, NW)

3. Kico e Lei di Moises a rekeri pa un homber haci si e destrui wowo di su esclabo of bula su djente afo? (Exodo 21:26, 27)

4. Na ki momento so un matado por a sali for di un stad di refugio? (Numbernan 35:25)

5. Cuanto tempo despues cu Cornelio a haci oracion na Dios, Pedro a bishit’e? (Echonan 10:30-33)

6. Kico Pablo a bisa pa haci cu “esnan cu ta causa division y strobacion”? (Romanonan 16:17)

7. Con Satanas a afecta salu di Job ora el a purba compromete su integridad? (Job 2:7)

8. Unda e Israelitanan tawata ora nan a come mana pa prome bes y e lei di sabat a drenta na vigor? (Exodo 16:1)

9. Con Aod (Ehud) a mata Eglon Rei di Moab? (Huesnan 3:16)

10. Den cua provincia Romano e shete congregacionnan cu Huan a manda carta p’e tawata? (Revelacion 1:4)

11. Cu cua bestia Hesus ta ser conecta hopi bes, y dicon? (Huan 1:29)

12. Ki termino Bijbel ta uza pa referi na tur awa na mundo, na contraste cu tera? (Habacuk 2:14)

13. Ki material Noe a uza pa haci e arca waterproof? (Genesis 6:14)

14. Kico a sosode den shelo despues cu Cristo a ser entronisa? (Revelacion 12:7)

15. Cua dos disipel Hesus a manda pa bai haci preparacion pa su ultimo celebracion di Pasco Hudiu? (Lucas 22:7-13)

16. Riba ki tipo di bestia Bijbel a profetisa cu Hesus lo drenta Herusalem na manera triunfante? (Zacarias 9:9)

17. Cua insecto hende floho ta ser anima pa imita? (Proverbionan 6:6)

18. Kico a pasa ora Pedro a uza su spada pa purba defende Hesus? (Huan 18:10)

19. Ki insecto e Farizeonan a paga masha bon tino pa nan sefta saca pa nan no bira ceremonialmente impuro? (Mateo 23:24)

20. Ken ta conoci pa e echo cu el a honra su yiunan mas cu Yehova? (1 Samuel 2:22, 29)

[Comentario di e plachi na pagina 14]

Contestanan di e Quiz

1. Debi cu tur loke idolonan asina merece ta un luga scur y sushi, no un luga di honor ni prominencia

2. Pa hende di poco recurso y stranheronan por tawatin algo pa piki

3. Duna e esclabo su libertad

4. Ora e sumosacerdote muri

5. CUATER DIA

6. Tene nan na bista y aparta for di nan

7. El a dal Job cu blufein riba henter su curpa

8. Den desierto di Sin

9. Cu un spada di dos filo

10. ASIA

11. UN LAMCHI. Debi cu Hesus ta sirbi como sacrificio

12. LAMA

13. BREU

14. Un guera cu a hiba na expulsion di Satanas for di shelo

15. Pedro cu Huan

16. UN BURICO

17. FRUMINGA

18. El a corta horea drechi di Malco, esclabo di e sumosacerdote, kita afo

19. SANGURA OF WIMPIRI

20. SUMOSACERDOTE ELI