“E Paradijs Cu Nos Ta Soña cu Ne”

Aña pasa e sucursal di Testigonan di Yehova na Papua Nueva Guinea a ricibi un carta di un lector di Spierta! cu ta biba na Lae, Provincia Morobe. El a bisa:

“Mi tin cu admiti sinseramente cu cinco aña pasa (tempo mi tawata na Port Moresby) mi a tuma un tremendo desision pa lesa e revista Spierta!, cu boso organisacion ta publica. Mi a lesa tur edicion for di 1997. Mi tin masha hopi revista Spierta! na cas.

Mi a siña hopi. Mi vocabulario, mi conocemento general, mi gramatica y mi comprondemento di e Creador, tur a bira hopi mas amplio. Mi mes personalmente a bira mas tolerante, mi ta tene mas consideracion cu otro hende, mi ta paga mas tino, y mi a desaroya mas respet pa mata y bestia. Mi recomendacion ta pa mas hende lesa tanto Spierta! como boso otro publicacionnan.”

E lector a termina su carta: “Mi ta kere cu si tur hende na mundo bira Testigo di Yehova, e Paradijs cu nos ta soña cu ne sigur lo bira un realidad unbes. Sigui cu e bon trabou.”

E publicacionnan di Testigonan di Yehova ta mustra riba e promesa biblico cu pronto e Reino di Dios lo trece un mundo nobo pa remplasa e sistema di cosnan actual. E buki Conocimentu cu Ta Hiba na Bida Eterno ta mustra cu ta e Reino ei ta e solucion pa e problemanan di humanidad.

Bo por manda pidi e buki aki di 192 pagina pa bo mes analis’e. Yena e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Manda pa mi un buki Conocimentu cu Ta Hiba na Bida Eterno.

□ Por fabor, tuma contacto cu mi pa un studio di Bijbel gratis na cas.