Bon Conseho pa Hobennan

Un biaha cu un Testigo di Yehova cu yama Bill tawata ofrece revista banda di un sala di corte na California, Merca, un cabayero a acerc’e y pidie pa wak tur e revistanan Spierta! cu Bill tawatin hunto cu ne. Bill ta conta: “Prome cu esei, algun publicado den congregacion a duna mi algun revista di fecha bieu, pesei mi tawatin un seleccion grandi di diferente Spierta! cu mi por a mustra e cabayero.

Rapidamente e cabayero a sortia e revistanan y a traha un stapel di esnan cu e no a lesa ainda. Anto el a puntra si e por a keda cu e stapel y a introduci su mes como un empleado di corte. El a conta mi cu e ta encarga cu duna conseho na hobennan den problema. El a splica mi cu e ta busca Spierta! pa asina e por saca copia di e articulonan ‘Hobennan Sa Puntra.’ Despues e ta file e articulonan segun topico y ta tene nan na man pa duna e hobennan cu e ta conseha. E cabayero a bisa: ‘E topiconan cu ta ser trata ta problemanan tipico cu ta molestia hobennan awe.’ El a elogia Testigonan di Yehova pasobra nan ta publica informacion asina util pa yuda hobennan. El a agrega cu lo e busca mi den e simannan benidero pa haya cualkier Spierta! nobo cu mi por dun’e.”

Mayoria di e informacion publica den e serie “Hobennan Sa Puntra” a sali den e buki Loke hovenan sa puntra—Contesta práctica. Bo por pidi un ehemplar di e buki aki di 320 pagina door di yena e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Lo mi tin gana di haya e buki Loke hovenan sa puntra—Contesta práctica.

□ Por fabor, tuma contacto cu mi pa un studio di Bijbel gratis na cas.