‘Un Revista pa Digeri’

DAVID ta studia lei na e Universidad di Obafemi Awolowo na Nigeria. No mucho tempo pasa, el a skirbi e oficina di sucursal di Testigonan di Yehova lo siguiente: “Mi tin custumber di hiba Spierta! pa un profesor bon conoci di 70 aña di edad di e facultad di derecho. Un mainta, despues cu el a caba di haya e revistanan nobo, el a bisa un bishitante den su kantoor: ‘Algun buki ta pa purba, otronan pa guli y tin masha poco cu bo mester cou y digeri. Spierta! ta un revista cu bo mester cou y digeri.’”

Na un otro ocasion, despues cu David a sali for di e oficina di e profesor, el a tende e profesor recomenda un otro bishitante pa lesa Spierta! E carta ta sigui bisa: “El a elogia e calidad halto di Spierta! cu ta resultado di e investigacion profundo cu ta wordo haci pa produci e revista aki, y tambe pa su forma di analisa asuntonan di un manera balansa y franco. Mi a tend’e bisa: ‘Mi ta lesa e revistanan bon. Dios mester ta esun cu ta duna e escritornan e sabiduria pa skirbi articulonan excelente asina.’”

Spierta! ta educativo y ta trata hopi topico. Mas importante ainda, e ta duna hende confiansa den e promesa di e Creador di un mundo nobo di pas cu lo remplasa e sistema di cosnan actual. E foyeto di 32 pagina, Kico Dios Ta Rekerí di Nos? ta enfatisa e proposito ei di Dios y ta duna informacion biblico cu ta mustra kico nos tin cu haci pa nos haya su aprobacion. Pa bo haya un ehemplar, yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Lo mi tin gana di haya un ehemplar di e foyeto Kico Dios Ta Rekerí di Nos?

□ Por fabor, tuma contacto cu mi pa un studio di Bijbel gratis na cas.