Hende Ta Copia Diseño di e Creador

Con ta posibel cu un bombio fini manera papel, por resisti e presion fuerte ora cu bo ta hinc’e of drei e den su soket? Segun e buki How in the World? (Con Por Ta?), e contesta ta sinta principalmente den e forma di e bombio, cu ta basa riba e forma di casca di webo. Maske casca di webo ta hopi fini, e peso di e parha no ta plecha e webonan ora e parha sinta riba e neishi pa brui nan. Esaki ta pasobra e forma di e webo ta duna e structura di e casca un forsa cu ta resisti presion. (Si e casca ta mas diki, e puyito lo no por kibr’e pa sali afo.) Copiando e diseño di e Creador, bombio tin un forma rondo di manera cu ora bo ten’e, e forsa ‘ta plama bai den tur direccion for di e punto di contacto door cu e glas tin curva.’ Pues, mescos cu e webo, demasiado presion no ta keda riba un solo punto, y e bombio no ta kibra. Hende a siña masha hopi door di studia creacion!