E Reunion Mas Importante di Aña—Bo Ta Bonbini!

Diahuebs dia 24 di maart 2005, lo tin un evento cu lo bo no kier perde. Riba e dia ei mas cu seis miyon Testigo di Yehova rond mundo hunto cu miyones di amigo lo reuni na nan respectivo paisnan pa recorda e ultimo cena cu Hesus tawatin hunto cu su disipelnan. Siguiendo e instruccionnan di Hesus, nan lo pasa pan sin zuurdeeg y biña cora na cada un di e reunionnan ei. Tambe nan lo splica e nificacion di e ceremonia aki.—Marco 14:22-24.

Pa hopi hende e evento aki ta conoci como e Cena di Señor of e Ultimo Cena. Testigonan di Yehova ta yam’e e Conmemoracion of Memorial di e morto di Cristo. E ta un recordatorio masha importante di e sacrificio cu Hesucristo a haci na fabor di humanidad pecaminoso ora el a muri. (Huan 3:16; 1 Huan 2:2) Despues di e ultimo cena, nan a aresta Hesus y el a muri despues na un staca como si fuera e tawata gewoon un malechor. —Huan 19:17, 18.

Lo bo ricibi un bonbini caluroso na e reunion special aki, esun mas importante entre e eventonan anual di Testigonan di Yehova. Por fabor, check na e Salon di Reino den bo area pa e luga y ora exacto di e reunion den bo bicindario.