Un Mundo Turbulento—Con Bo Por Enfrent’e
Bo ta sinti cu awor mas cu nunca e problemanan cu ta tumando luga rond mundo ta afecta bo personalmente? Loke ta ser menciona aki bou ta afectando hende den e area caminda abo ta biba?
guera
epidemia
desaster natural
pobreza
prehuicio
crimen violento
Ora un tragedia tuma luga, hopi victima ta cay den shock y desesperacion. Tin biaha calamidad por pone hende keda asina den shock, cu nan no por sinti ningun emocion. Sinembargo, ora bo pasa den un tragedia y bo keda mucho largo den shock of paralisa, bo por haci e situacion mas pio.
Ora algo malo tuma luga, ta importante pa bo proteha bo sernan keri, cuida bo salud, sea responsabel cu bo placa y loke bo tin y no perde speransa.
Kico bo por haci awor pa no laga e problemanan cu ta tumando luga rond mundo afecta bo asina tanto?