Kico Bijbel Ta Bisa?

Kico Armagedon ta?

Algun hende ta kere ...

cu lo e ta un destruccion completo di e planeta aki causa pa armanan nuclear of un desaster natural. Kico abo ta pensa?

Loke Bijbel ta bisa

Armagedon ta un luga simbolico caminda “e guera” di “e gran dia di Dios, e Todopoderoso” lo tuma luga. E guera aki ta contra e malbadonan.—Revelacion 16:14, 16.

Kico mas nos por siña for di Bijbel?

• Dios lo bringa e guera di Armagedon, no pa destrui e Tera, sino pa evita cu hende ta caba cu ne.—Revelacion 11:18.

• E guera di Armagedon lo caba cu tur guera.—Salmo 46:8, 9.

Bo por sobrevivi e guera di Armagedon?

Kico lo bo contesta?

• Si

• No

• Kisas

Loke Bijbel ta bisa

“Un multitud grandi” di hende di tur nacion lo sobrevivi “e tribulacion grandi”, cu lo caba den e guera di Armagedon. —Revelacion 7:9, 14.

Kico mas nos por siña for di Bijbel?

• Dios kier pa mas tanto hende posibel sobrevivi Armagedon. Lo e destrui e malbadonan como ultimo recurso. —Ezekiel 18:32.

• Bijbel ta splica con nos por sobrevivi Armagedon.—Sofonias 2:3.