Bijbel Por Yuda Hende Cu Tin Maleza Cronico?

E contesta cu Bijbel ta duna

Si. Dios ta interesa den su sirbidornan cu ta malo. Por ehempel, Bijbel ta bisa di un fiel sirbidor di Dios: “SEÑOR lo sosten’e riba su cama di maleza.” (Salmo 41:3, Beibel Santu) Si bo ta un hende cu ta sufri di maleza cronico, e siguiente tres puntonan por yuda bo trata cu e situacion:

1. Pidi Dios forsa pa soporta. Bo por haya “e paz di Dios cu ta surpasa tur comprondemento” cu por yuda bo sigui padilanti a pesar di bo condicion.—Filipensenan 4:6, 7.

2. Sea positivo. Bijbel ta bisa: “Un curason contento ta un bon remedi, ma un spirito abati ta seca weso.” (Proverbionan 17:22, Beibel Santu) Si bo tin un bon humor, esey por yuda bo pasa door di temponan dificil y e por contribui na un bon salud.

3. Fortalece bo speransa pa futuro. Bo speransa solido den Dios su promesanan pa futuro por yuda bo keda positivo, a pesar di bo lucha cu maleza cronico. (Romanonan 12:12) Bijbel ta profetisa cu lo yega e dia cu “ningun habitante lo no bisa: ‘Mi ta malo.’” (Isaias 33:24, Beibel Santu) Dios lo cura hende di maleza cronico pa cua ciencia moderno no tin cura. Por ehempel, Bijbel ta bisa cu hende di edad avansa lo bolbe bira jong bek: “Laga su carni bira mas suave cu esun di mucha, lag’e bolbe na e dianan di vigor di su hubentud.”—Job 33:25, Beibel Santu.

Nota: Aunke nos como testigonan di Jehova tin e confianza cu Dios ta yuda nos, nos ta busca tambe tratamento medico pa maleza cronico. (Marco 2:17) Pero, nos no ta recomenda ningun tratamento medico en particular. Ta keda na cada persona pa tuma su mes decision ora ta trata asunto di salud.