“Algu Special”

Despues di a lesa e buki E homber mas importante cu hamás a biba, un buki cu ta trata na presentá tur suceso den Jesus su bida terenal, trecí padilanti den e cuater Evangelionan, un señora di 70 aña na Moscú, Rusia, a sclama: “Nunca mi a yega di lesa un buki asina. Mi kier sa mas tocante Dios i Jesucristo, i asta mi kier studia Bijbel.”

Hopi bes e sucursal di Testigonan di Jehova na Rusia ta ricibí cartanan manera esaki relacioná cu literatura bíblico. Un señora di Chelyabinsk, un stad di mas cu un miyon hende, rond di 1.500 kilometer zuidoost di Moscú, a manda un carta asina.

El a bisa di E homber mas importante cu hamás a biba: “E buki ta algu special. E ta hinca den hende e speransa pa un futuro felis i ta yuda nan conocé historia di antigwedad. Promé cu mi a bin den contacto cu e buki aki, mi no a pensa nunca riba Dios i hamas mi tabata interesá den religion, pero awor mi kier bautisá. Mi tin masha hopi gana di studia boso literatura. Mi kier papia dje cosnan cu mi a lesa cu mi amigu, conocí i parientenan.”

Abo tambe por ricibí literatura cu por yudá bo siña mas tocante Jesus i e speransa basá riba Bijbel di bida den un mundu nobo. Si bo ta deseá di ricibí un ehemplar di E homber mas importante cu hamás a biba of si bo kier pa un hende bishitá bo na cas pa conducí un studio di Bijbel grátis cu bo, por fabor, skirbi Watchtower, P.O. Box 4708, Curaçao, N.A., of n’e adres mas cumbiniente mencioná na página 5.