Conclusion

UN CONSIDERACION amplio dje creencianan religioso di Testigonan di Jehova ta cai for dje propósito dje foyeto aki. En bes di esei, nos a trata na splica algun dje principionan cu e Testigonan ta kere aden i na mustra claramente e clase di influencianan familiar cu ta afectá bo alumno si un of ámbos mayor ta Testigo.

Testigonan di Jehova ta pone hopi énfasis riba e desaroyo spiritual di nan yunan. I nan tin confiansa cu esaki ta elevá e desaroyo di nan yunan den otro áreanan. E creencianan cu nan ta adoptá i e principionan cu nan ta sigui ta duna nan bida nificacion i ta yuda nan pa trata cu nan problemanan di tur dia. Ademas, e creencia i principionan ei mester motivá nan pa trata di ser alumnonan diligente i bon ciudadano atrabes di henter nan bida.

E Testigonan ta trata di ser realístico en cuanto bida, di manera cu nan ta atribuí gran importancia na educacion. P’esei, ta nan deseo pa cooperá cu bo e mihó cu nan por. Di nan parti, na nan cas i den nan lugánan di adoracion rond mundu, nan lo sigui animá nan yunan pa cumpli cu nan papel den e colaboracion fructífero aki.