Specialistanan Ta Considerá Alternativanan pa Sanger

APROXIMADAMENTE 200 specialista for di rond Merca a reuní na Cleveland, Ohio, riba diasabra, 7 di october, 1995, pa considerá un tópico di interes aumentante p’e campo médico: medicina i operacion sin sanger.

Vários circunstancia difícil a ser considerá. Por ehempel, kico si un pashent ta sufri di anemia agudo? Con un baby cu a nace sumamente prematuro por ser tratá sin sanger? Por efectuá operacion di curason exitosamente sin transfusion di sanger? Interesantemente, operacion sin sanger—hopi biaha usando técnicanan cu ta yuda e curpa traha su propio suministro di sanger—a ser aplicá caba den tur e situacionnan aki cu bon resultado.a

Pakico tin un necesidad pa alternativanan pa transfusion di sanger? “Nos a descubrí cu transfusion di sanger hopi bes ta transmití enfermedadnan, specialmente hepatítis,” segun Sharon Vernon, directora dje Centro pa Medicina i Operacion sin Sanger n’e Hospital St. Vincent Charity na Cleveland. E ta continuá: “Asta ora sanger no pasa un infeccion e por suprimí e reaccion dje sistema inmuno dje pashent.” Aunke transmision di AIDS a ser reducí dor di testmentu di sanger, ainda tin hopi enfermedad cu testnan asina no ta detectá. I apesar dje necesidad pa mas preparacion, operacion sin sanger ta resultá di ta mas económico pa hospitalnan, ya cu e ta eliminá e problemanan legal cu por resultá ora pashentnan ta ricibí sanger contaminá.

Pa Testigonan di Jehova, tin un motibu mas importante pa evitá di tuma sanger: E ley di Dios ta prohibié. (Echonan 15:29) Tog, nan ta deseá di ricibí e mihó tratamentu médico posibel. Pues, nan a cooperá cu dokternan cu a hiba delantera den investigacion di tratamentu médico sin sanger. Un tratamentu asina ta beneficiá no solamente Testigonan di Jehova sino tambe hopi otronan cu ta preocupá tocante e peligernan di transfusion di sanger.

[Nota]

[Rekonosementu di Potrèt na página 32]

WHO photo by P. Almasy