Conducta Excelente Ta Trece Elogio

E KORANT italiano La Gazzetta del Mezzogiorno a encomendá Testigonan di Jehova pa publicacion dje artículo “Matera—Stad cu Bibienda Unico den Cueba.” E artículo aki a aparecé den e edicion di ¡Despertad! di 8 di juli, 1997, cu tabatin un circulacion extenso den hopi idioma. Actualmente Spierta! ta ser traducí na 81 idioma i tin un circulacion di mas cu 19 miyon ehemplar rond mundu. E korant a comentá cu Spierta! a establecé e récord di zomer “pa loke ta campañanan di propaganda pa promové e herencia histórico i artístico dje stad [di Matera].”

E korant a elogiá e Testigonan en coneccion cu e Congreso di Distrito “Fe den e Palabra di Dios” tené na Matera na 1997. E artículo a mencioná cu e Testigonan a logra “trece 4.000 hende den e Stadion XXI Settembre meimei di zomer i den un higra di solo; nan a soru pa limpia e centro deportivo aki, dun’é un man di verf i drecha algun cos (particularmente e facilidadnan di toilet) completamente grátis, pagando e gastu pa cumpra e materialnan necesario nan mes.”

Testigonan di Jehova ta haci esfuerso pa ta bon próhimo. (Mateo 22:37-39) Tambe nan ta sigui e spiertamentu bíblico: “Mantené boso conducta excelente entre e nacionnan, pa . . . nan, como testigo ocular di boso obranan excelente, por glorificá Dios den e dia di su inspeccion.”—1 Pedro 2:12.