Certificado di Excelencia

ESEI ta e certificado cu e Asociacion di Periodistanan Africano i di Congo pa Desaroyo (AJOCAD) na República Democrático di Congo ta otorgá pa “duna mérito na hende individual of organisacionnan social cu a sobresalí p’e contribucion cu nan ta duna na desaroyo di [Congo].”

Dia 17 di november 2000 a otorgá e Certificado di Excelencia na Testigonan di Jehova pa “nan contribucion n’e desaroyo personal di hende di Congo [mediante] e educacion i siñansa cu nan publicacionnan ta contené.”

Comentando riba e premio, e korant di Kinshasa Le Phare a bisa: “Ta difícil pa bo haña un habitante di Congo cu no a yega di lesa e revistanan Toren di Vigilancia i Spierta! of otro publicacion cu Testigonan di Jehova a publicá. E revistanan aki ta [trata] tur aspecto di bida.” Tambe e artículo a mencioná cu e publicacionnan aki ta mustra “con pa trata problemanan djawe cu éxito” i cu nan ta señalá na “e berdadero nificacion dje sucesonan actual.” Tur edicion di Spierta! ta “keda neutral den asuntunan político i nan no ta halsa un rasa riba otro.” Ademas, e publicacionnan ta edificá “confiansa den e Creador su promesa di cu pronto un mundu sigur i pacífico lo remplasá e sistema di cosnan actual cu ta malbado i inmoral.”

Manera AJOCAD a remarcá, e publicacionnan di Testigonan di Jehova tabata beneficioso pa un gran parti dje poblacion di Congo. Dor cu nan ta disponibel na cientos di idioma, nan mensahe cu ta inspirá speransa lo por beneficiá abo tambe.

Por fabor, lesa e informacion aki bou pa bo sa con abo tambe por beneficiá di nan.