PREGUNTA KU BEIBEL TA KONTESTÁ

Dikon ta asina difísil pa logra pas mundial?

Segun Beibel tin dos motibu prinsipal. Na promé lugá, maske hende a logra kosnan bon, Dios no a krea nan ku e kapasidat di dirigí nan mes pasonan. E di dos motibu ta pasobra “henter mundu ta den poder di e Malbado,” Satanas e Diabel. P’esei, hende no a logra trese pas mundial.—Lesa Yeremías 10:23; 1 Huan 5:19.

Egoismo i ambishon tambe ta stroba hende di logra pas mundial. Ta solamente un gobièrnu mundial ku ta siña hende pa stima loke ta bon i pa mustra interes den otro hende por trese pas mundial.—Lesa Isaías 32:17; 48:18, 22.

Ken lo logra trese pas riba tera?

E Dios Todopoderoso a primintí di remplasá tur e gobièrnunan humano ku un solo gobièrnu pa henter humanidat. (Daniel 2:44) I e Yu di Dios, Hesus, lo goberná komo e Prens di Pas. Lo e kaba ku tur maldat riba tera i siña hende e kaminda di pas.—Lesa Isaías 9:6, 7; 11:4, 9.

For di aworakí kaba, bou di Hesus su direkshon, miónes di hende rònt mundu ta usa Beibel, e Palabra di Dios, pa siña hende kon pa biba na pas ku otro. Pronto, lo tin pas rònt mundu.—Lesa Isaías 2:3, 4.