Anuncionan

◼ Literatura pa usa durante februari: Sea Logrando felicidad den bida di famía of Revelacion​—⁠su gran culminacion ta cerca! Mart: Conocimentu cu Ta Hiba na Bida Eterno. April i Mei: Copianan individual di tantu E Toren di Vigilancia como Spierta! Pa teritorionan cu ta ser cubrí frecuentemente, por ofrecé cualkier foyeto (cu excepcion dje foyetonan Educacion i Escuela). Sea alerto pa haci esfuersonan special pa ofrecé abonament na bo rebishitanan. NOTA: Congregacionnan cu ainda no a haci pedido pa e artículonan di campaña mencioná ariba mester haci esei riba nan siguiente Formulario di Pedido di Literatura Mensual (S-14).

◼ E Sociedad no ta percurá pa pedido di literatura cu publicadornan individual ta haci. Esnan cu ta deseá un artículo en particular por avisá e sirbidor di literatura, kende lo incluy’é mesora den e pedido mensual di literatura dje congregacion. E superintendente presidente mester haci areglo pa haci un anuncio cada luna promé cu manda e congregacion su pedido mensual di literatura p’e Sociedad di manera cu tur ruman cu ta interesá pa haña literatura personal por avisá e ruman cu ta trata cu literatura.

◼ E secretario i e superintendente di sirbishi mester repasá e actividad di tur pionero regular. Si cualkier un di nan tin dificultad pa alcansá e rekisito di ora, e ancianonan mester haci areglo pa duna yudansa. Repasá puntonan di §12-20 dje suplemento di Nos Ministerio di Reino [na spañó] di augustus, 1986.

◼ Lo celebrá e Memorial riba diamars, 2 di april, 1996. Aunke e discurso por cuminsá mas trempan, por fabor corda cu e pasamentu dje pan i biña di Memorial no mag cuminsá sino te despues di bahada di solo. Consultá cu fuentenan local pa determiná ki ora solo ta baha den bo área. No tene ningun otro reunion rib’e dia ei cu excepcion di esnan pa sali den sirbishi di veld. Si bo congregacion normalmente tin reunion riba diamars, kisas lo bo kier cambi’é pa un otro dia di e siman si e Salon di Reino ta disponibel.

◼ Publicadornan cu ta deseá di traha como pionero auxiliar na mart, april i mei mester traha nan plannan awor i entregá nan aplicacion trempan. Esaki lo yuda e ancianonan haci areglonan necesario di sirbishi di veld i percurá pa tin suficiente revista i otro literatura na stock. Tal bes e famianan por sinta huntu i mira kico por ser hací pa por lo ménos un miembro di nan sirbi como pionero auxiliar.

◼ Riba diasabra, 11 di mei, 1996, e oficinanan di sucursal lo ta cerá pa limpiesa di primavera. Pues lo no tin areglo pa haci tour of pa congregacionnan recogé litaratura riba e dia ei.

◼ Congregacionnan ta ser animá pa controlá nan Salon di Reino relacioná cu su aparencia. Tal bes e mester ser di verf parti pafó of tambe paden. Ademas bañonan i tambe e portanan por tin mester di un man di manera cu nos ta mantené un norma haltu i ordená pa nos edificionan.