Anuncionan

◼ Oferta di literatura pa september: E Secreto pa Felicidad den Famia. October: Abonament riba E Toren di Vigilancia i Spierta! Cuminsando den e último parti dje luna, lo distribuí Noticia di Reino Num. 35. November: Lo sigui cu distribucion di Noticia di Reino Num. 35. Congregacionnan cu a traha tur nan teritorionan alcansando doño di cada cas i bibienda cu un ehemplar di Noticia di Reino Num. 35 por ofrecé e buki Conocimentu. December: Traducción del Nuevo Mundo de las Santas Escrituras huntu cu e buki E Bijbel—e Palabra di Dios of e palabra di hende?

◼ E superintendente presidente of un ruman asigná p’e, mester controlá e cuentanan di congregacion dia 1 di september of mas pronto posibel despues di esei. Haci un anuncio n’e congregacion ora esaki a ser hací.

◼ Publicadónan cu ta planea pa traha como pionero auxiliar na october mester entregá un aplicacion trempan. Esaki lo permití e ancianonan haci areglonan necesario pa revista, literatura i teritorio.

◼ Nos kier recordá e ancianonan pa sigui e instruccionnan duná den e Atalaya di 15 di april, 1991, página 21-3, en cuanto cualkier persona expulsá of desasociá cu kisas ta incliná den direccion di ser restorá.

◼ Ta importante pa gruponan di 30 persona of mas cu ta planea pa bishitá facilidadnan di Sociedad na Merca, skirbi promé n’e Central Tour Desk na 100 Watchtower Drive, Patterson, NY 12563-9204, Merca. E Central Tour Desk lo atendé gruponan cu lo bishitá Betel di Brooklyn, Watchtower Farms na Wallkill, Watchtower Educational Center na Patterson, of e Salon di Asamblea di Jersey City. Por fabor, duna informacion en cuanto e cantidad di esnan cu ta bini i e fecha i ora pa bishitá cada sitio. Sociedad lo percurá un descripcion dje tournan cu tin disponibel i tambe un mapa mustrando con pa yega na cada sitio.

◼ E personanan cu ta asociá cu un congregacion mester manda tur abonament nobo i renobá di E Toren di Vigilancia i Spierta!, incluyendo nan abonamentnan personal, via e congregacion.

◼ Sociedad no ta atendé pedidonan pa literatura di publicadónan individual. E superintendente presidente mester areglá pa haci un anuncio tur luna promé cu manda e congregacion su pedido mensual di literatura pa Sociedad di manera cu tur ruman cu ta interesá pa haña literatura personal por avisá e ruman cu ta encargá cu literatura. Por fabor, tene na mente cua publicacionnan ta artículonan di pedido special.

◼ Ora di haci pedido di literatura, congregacionnan mester tene na mente cu e CD-ROM di Sociedad no mester ser distribuí pa loco. E ta principalmente pa publicadónan usa.

◼ E “Caha di Pregunta” den Nos Ministerio di Reino di mei 1997 a recomendá pa nos tene cuidou pa traha den e ministerio cu publicadónan dje sexo opuesto. Tin bon motibu pa nos tur usa bon huicio den e asuntu aki. Esaki no ta nificá cu superintendentenan biahero of asta otro ruman hombernan no por traha den sirbishi di veld cu ruman muhernan. Mas bien, a expresá e pensamentu cu no ta sabí pa un ruman homber pasa tempu regularmente e so cu e mésun persona dje sexo opuesto cu no ta su famia.

◼ Un par di siman pasá tur congregacion a ricibí tres formulario di Inventario di Literatura (S-AB-18) i tambe e Congregation Analysis Report (S-10). E secretario di congregacion mester soru pa manda e formularionan aki pa Sucursal na tempu. Por fabor, manda e original pa Sociedad no mas tardá cu 6 di september. Warda un duplicado pa boso archivo. Kier men, nos ta pidi pa boso manda tur e dos formularionan huntu pa Sucursal.

◼ Publicacionnan Nobo Disponibel:

Bo Mester Kere den Trinidad? —perso

Con pa Cuminsá i Continuá Consideracionnan Bíblico —gujarati

Conocimentu cu Ta Hiba na Bida Eterno —búlgaro, myanmar

Disfrutá di Bida di Famia (Tratado Num. 21) —lituano

Disfruta di bida riba tera pa semper! —tibetano

E Bijbel—e Palabra di Dios of e palabra di hende? —slovaco

E nomber divino cu lo permanece pa semper —arabir

E Secreto pa Felicidad den Famia —turco, urdu

Hellfire—Is It Part of Divine Justice? (Tratado Num. 74) —arabir

Los testigos di Jehová en el siglo veinte —vietnames

Un Buki pa Tur Hende —chines, chines simplificá, frances, griego, hulandes, ingles, italiano, koreano, papiamentu, portugues, spañó, vietnames

Watch Tower Publications Index 1996 —ingles