Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 1 di september te cu 22 di december, 1997. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. Lo no tabatin maldad si Dios no a dota criaturanan inteligente cu boluntad liber. [rs-S pág. 195 (rs-E pág. 428) §2] Cierto. Maldad a resultá for dje uso egoista di boluntad liber.
2. Na Lucas 22:30, “e diesdos tribunan di Israel” tin e mésun nificacion cu na Mateo 19:28, caminda e aplicacion ta extendé mas ayá di Jesus su subsacerdotenan engendrá pa spiritu pa incluí tur otro hende di humanidad. [Lesamentu semanal di Bijbel; mira w87-S 1/3 pág. 27 §10; pág. 28 §12.] Cierto.
3. E motibu pakico e disipelnan di Jesus a keda strañá p’e echo cu el a papia cu un muher samaritano tabata debí cu e muher tabatin un estilo di bida inmoral. (Juan 4:27) [Lesamentu semanal di Bijbel; mira w95-PA 15/7 pág. 15 §1-2.] Falsu. Evidentemente nan a keda sorprendí cu Jesus no a sigui e tradicion rabínico prevalente cu a desanimá hende homber pa papia cu hende muher den público. Ademas, e muher tabata un samaritano, i hudiunan no tabatin trato cu samaritanonan.
4. E expresion “desde principio” na Juan 6:64 ta indicá cu Jesus tabata sa for di ora cu el a scoge Hudas como apostel, cu e ta esun cu lo traicion’é. [Lesamentu semanal di Bijbel; mira it-2-S pág. 155 §6-8 (it-2-E pág. 129 §4-6).] Falsu. Na principio di su apostolado, Hudas tabata fiel na Dios i na Jesus. Pues, Juan lo mester tabata kier men cu “desde principio,” ora cu Hudas a cuminsá comportá su mes malu i a cuminsá entregá na imperfeccion i na inclinacionnan pecaminoso, Jesus a reconocé esei.
5. Pa disfrutá di un bida di famia cristian nos mester djis bandoná inmoralidad sexual i tin un matrimonio legalmente registrá. [uw-PA pág. 139 §1] Falsu. Tambe e ta enbolbé nos actitud pa cu e permanencia dje union matrimonial, cumpli cu nos responsabilidadnan di famia i con nos ta trata cu otro miembronan di famia.
6. Exodo 21:22, 23 ta yuda nos comprendé cu Dios ta mira e yu humano cu no a nace ainda como un bida precioso. [kl-PA pág. 128 §21] Cierto.
7. E “fiesta dje hudiunan” mencioná na Juan 5:1 ta referí na e Pascu di 31 E.C. [si-S pág. 194 §8] Cierto. E contexto ta pon’é djis despues cu Jesus a bisa cu tabata falta “cuater luna ainda promé cu e cosecha,” indicando asina cu e fiesta ta e Pascu, cu tabata tuma lugá na principio dje temporada di cosecha. (Juan 4:35)
8. Si un co-adoradó ofendé nos, lo ta robes pa nos excluí e ofensor for di nos bida, evitando tur contacto cuné. [uw-PA pág. 134 §7] Cierto. Accion asina lo indicá un falta di amor pa nos ruman. Pa nos adoracion ta aceptabel nos mester, entre otro, mustra amor pa nos rumannan. (1 Juan 4:20)
9. Nos tur tin mester di conseho i disiplina. [uw-PA pág. 130 §12] Cierto. Conseho i disiplina ta yuda nos identificá áreanan unda ahuste ta necesario, anto ta yuda nos mira con pa haci e ahustenan aki. (Substancia ta suficiente)
10. Sea cu autoridadnan civil ta ser considerá hustu of inhustu, cristiannan berdadero mester registrá nan matrimonio apropiadamente cerca nan. [kl-PA pág. 122 §11] Cierto. (Mar. 12:17)
Contestá e siguiente preguntanan:
11. Na armonia cu e ehempel di cristiannan di promé siglo den Efeso, cua ta un paso necesario cu un persona mester dal pa resistí spiritunan malbado? (Echo. 19:19) [kl-PA pág. 114 §14] Deshací di cualkier cos cu tin uso spiritístico of cu ta duna indicacion di spiritismo.
12. Con cierto angelnan a peca den tempu di Noe? [kl-PA pág. 109 §4] Nan a bandoná nan sirbishi den shelu i a materialisá na curpa carnal pa satisfacé nan pasion pa relacion sexual cu hende muher. (Substancia ta suficiente)
13. Di con Jesus a nenga di enbolbé su mes den un disputa tocante herencia? (Luc. 12:13, 14) [Lesamentu semanal di Bijbel; mira w97-PA 1/4 pág. 28.] Jesus a bini pa declará e bon nobo di Reino, no pa intermediá den asuntunan legal. Ademas, ya caba tabatin un método describí den e Ley di Dios pa resolvé disputanan. (Deu. 1:16, 17)
14. Di kico e disipelnan no tabata conciente ora nan a puntra Jesus, manera ta pará skirbí na Echonan 1:6, si e ta bai restorá e Reino na Israel? [Lesamentu semanal di Bijbel; mira w90-S 1/6 pág. 11 §4.] Nan no tabata conciente dje echo cu e Reino lo ta celestial.
15. Mencioná dos factor cu por contribuí na un matrimonio duradero. [uw-PA pág. 140 §4] Warda pa casa te ora cu tur dos partner ta maduro; haña un casá cu ta compartí bo interesnan i cu ken bo por comunicá francamente; ser un persona cu ta practicá berdadero debocion piadoso; stima Jehova i su camindanan; no usa faltanan di bo casá como excuus pa evitá di cumpli cu bo mes responsabilidadnan. (Cualkier dos; substancia ta suficiente)
16. Pakico un muher cristian ta tapa su cabes na cierto ocasionnan? [rs-S pág. 254 §1 (rs-E pág. 433 §2)] Na armonia cu 1 Corintionan 11:3-10, esaki lo ta un evidencia di su respet pa e areglo di hefatura cu Dios a instituí, incluyendo respet pa e posicion cu Dios a asigná na e homber.
17. Di con e Traducción del Nuevo Mundo ta bisa “e Palabra tabata un dios” i no “e Palabra tabata Dios,” manera otro traduccionnan ta haci na Juan 1:1? [Lesamentu semanal di Bijbel; mira rs-S pág. 209 (rs-E pág. 212) §5.] E promé bes cu e palabra “the·osʹ” (Dios) ta presentá, e ta ser precedé dor dje artículo definí (e), pero e di dos bes no. Ora tin un artículo promé cu un sustantivo, esei ta indicá un identidad, un personalidad, miéntras cu ora tin dilanti e verbo un predicado nominal den singular sin e artículo (manera e frase ta na griego), e ora ei e ta indicá un cualidad di un persona. Pues e texto no ta bisa cu e Palabra (Jesus) tabata mescos cu e Dios cu ken e tabata, sino mas bien, cu e Palabra tabata parecido na Dios, divino, un dios. (Substancia ta suficiente)
18. Segun e buki di Revelacion, unda “esnan cu ta practicá spiritismo” lo bai terminá si nan no repentí i cambia nan camindanan? [kl-PA pág. 111 §8] Nan lo terminá den “e lago cu ta kima cu candela i swafel,” locual ta nificá “e segundo morto [eterno].” (Rev. 21:8)
19. Siendo cu Jesus tabata un homber perfecto i el a reconocé su papel como Maestro, pakico e no a aceptá di ser yamá “Bon Maestro”? (Luc. 18:18, 19) [Lesamentu semanal di Bijbel; mira w95-PA 1/3 pág. 15 §7.] Jesus a rechasá e título aki como cu e tabata modesto i lihé pa dirigí onor na Jehova en bes di na su mes. (Substancia ta suficiente)
20. Kico tabata nobo relacioná cu e mandamentu declará na Juan 13:34? [Lesamentu semanal di Bijbel; mira w90-S 1/2 pág. 21 §5-6.] Jesus su amor a encerá entregá su bida pa otronan, i su disipelnan mester ta dispuesto pa haci mescos. E amor aki tabata di un nivel superior, ya cu e Ley di Moises no a exigí un sacrificio asina.
Yena e palabra(nan) of frase necesario pa completá cada un dje siguiente declaracionnan:
21. Si nos haña sa cu nos ruman tin algu contra nos, nos mester tin amor huntu cu humildad pa tuma e iniciativa i haci esfuerso pa restorá relacionnan di pas. [uw-PA pág. 135 §10]
22. E ‘dies minanan’ ta representá recursonan cu disipelnan engendrá pa spiritu lo por a utilisá pa producí mas heredero dje Reino celestial. (Luc. 19:13) [Lesamentu semanal di Bijbel; mira w89-S 1/10 pág. 8.]
23. Tres acusacion falsu cu e hudiunan a haci contra Jesus cerca Pilato, e gobernadó romano di Hudea, a encerá cu Jesus a saboteá e nacion di Israel, a prohibí e pagamentu di belasting na César i a bisa cu e mes tabata un rey. (Luc. 23:2) [Lesamentu semanal di Bijbel; mira w90-S 1/12 pág. 9 §1.]
24. Cristiannan berdadero no ta celebrá Pascu di nacementu ni ningun otro dia di fiesta basá riba creencianan religioso falsu, debí cu nan ta duna Jehova debocion exclusivo; tampoco nan no ta celebrá dianan di fiesta cu ta idolatrá hende pecaminoso of nacionnan. [kl-PA pág. 126 §16]
25. Como studiantenan di Bijbel, nos mester siña usa indexnan disponibel pa busca informacion, nos no mester spera un sí of no como contesta pa cada pregunta, i mester tuma decisionnan cu ta reflehá nos amor pa Jehova i pa miembronan di nos famia. [uw-PA pág. 144 §13]
Scoge e contesta corecto den cada un dje siguiente declaracionnan:
26. Segun apostel Pedro, Jehova su (bondad; amor; pacenshi) a extendé te na nos dia pa duna nos e oportunidad pa demostrá cu nos ta (repentí; fiel; obediente). (2 Ped. 3:9) [rs-S pág. 196 (rs-E pág. 429) §2]
27. E berdad cu ta haci hende liber ta e berdad relacioná cu (ciencia; religion falsu; Jesucristo), pasobra solamente mediante esei nos por ser librá di (siñansanan falsu; propaganda mundano; picá cu ta causa morto). (Juan 8:12-36) [Lesamentu semanal di Bijbel; mira w88-S 1/5 pág. 9 §5.]
28. E echo cu nos ta hiba un bida piadoso ta garantisá cu (semper otro hende lo trata nos bon; nos lo disfrutá di un abundancia di cosnan material awor; nos lo tin Dios su sonrisa di aprobacion pasobra nos ta haciendo loke ta corecto). [kl-PA pág. 118 §2]
29. Ora Jesus a puntra apostel Pedro: “Bo ta stimá mi mas cu esakinan?,” e tabata puntrando Pedro si el a stim’é mas cu (el a stima e otro disipelnan aki; e otro disipelnan a stima Jesus; el a stima e cosnan aki, manera e piscánan). (Juan 21:15) [Lesamentu semanal di Bijbel; mira w88-S 1/11 pág. 31 §9.]
30. Ta den e ilustracion di (“e berdadero mata di wijndruif”; “e wardadó excelente”; e “carné i cabritunan”) cu Jesus ta haci conocí e maraviyoso unidad cu ta existí no solamente entre su berdadero siguidónan i e mes, sino tambe cu su Tata. (Juan 15:1) [si-S pág. 198 §32]
Cuadra e siguiente textonan bíblico cu e declaracionnan aki bou:
Ex. 31:12, 13; Pro. 3:9, 10; Mat. 5:14-16; Luc. 9:60, 62; 13:4, 5
31. Jesus a argumentá contra razonamentu fatalista, dor di referí na un tragedia cu tabata bon conocí pa su oyentenan, i cu evidentemente el a atribuí na tempu i suceso imprevisto. [Luc. 13:4, 5] [Lesamentu semanal di Bijbel; mira w96-PA 1/9 pág. 5 §5.]
32. Nunca tabata e intencion pa e Ley di Moises bira obligatorio pa henter humanidad. [Ex. 31:12, 13] [uw-PA pág. 147 §5]
33. Debocion enfocá riba un solo propósito ta necesario afin di drenta e Reino. [Luc. 9:60, 62] [si-S pág. 192 §32]
34. Jehova lo bendicioná nos ora nos usa nos tempu, energia i otro recursonan disponibel, incluyendo nos fondonan, pa promové adoracion berdadero. [Pro. 3:9, 10] [kl-PA pág. 120 §8]
35. Esnan cu ta cristian mester ta testigonan activo pa cu e mundu relacioná cu Dios su nomber i propósito. [Mat. 5:14-16] [rs-S pág. 259 §1 (rs-E pág. 438 §4)]