Anuncionan

◼ Oferta di literatura pa januari: Cualkier buki di 192 página publicá promé cu 1985 cu e congregacion por tin na stock. Congregacionnan cu no tin bukinan asina na stock por ofrecé Bo por biba pa semper den Paradijs riba tera. Februari: Revelacion—su gran culminacion ta cerca! Mart: Conocimentu cu Ta Hiba na Bida Eterno. Concentrá riba cuminsá studio di Bijbel. April: Abonament riba E Toren di Vigilancia i Spierta!

◼ Tur publicadó bautisá presente na e Reunion di Sirbishi dje siman di 5 di januari lo ricibí e karchi di Instruccion/Exoneracion Médico Delantá i e Karchi di Identificacion pa nan yunan.

◼ Cuminsando na februari, i no mas tardá cu 1 di mart, e discurso público nobo pa e superintendentenan di circuito lo ta “Bo Ta Compartí Dios Su Punto di Bista Tocante Bida?”

◼ Congregacionnan lo mester haci areglonan cumbiniente pa celebrá Memorial e aña aki diasabra, 11 di april, despues cu solo baha. Aunke e discurso por cuminsá mas trempan, e pasamentu dje pan i biña di Memorial no mag cuminsá sino te despues cu solo baha. Consultá cu fuentenan local pa determiná ki ora solo ta baha den bo área. Aunke ta deseabel pa cada congregacion tene su propio celebracion di Memorial, esaki tal bes no ta semper posibel. Caminda normalmente vários congregacion ta usa e mésun Salon di Reino, kisas un of mas congregacion por haci uso di un otro lugá p’e anochi ei. E Memorial no mester cuminsá asina lat cu personanan recien interesá ta hañ’é incumbiniente pa asistí. Tampoco e orario entre e reunionnan dje dos congregacionnan mester ta asina pertá cu no tin tempu promé of despues dje celebracion pa cumindá bishitantenan, pa haci areglo pa sigui duna yudansa spiritual na hende interesá, of pa disfrutá di un intercambio general di estímulo. Despues di considerá tur factor cabalmente, e ancianonan mester dicidí cua areglonan lo contribuí mihó pa esnan cu asistí na Memorial beneficiá plenamente dje ocasion.

◼ E discurso público special pa e temporada di Memorial 1998 lo ser duná diadomingo, 29 di mart. Lo percurá un boskeho. E congregacionnan cu tin e bishita dje superintendente di circuito, un asamblea di circuito of un dia special di asamblea e fin di siman ei lo tin e discurso special e siguiente siman. Ningun congregacion mester tene e discurso special promé cu 29 di mart, 1998.

◼ E cuerpo di anciano mester ta conciente cu e siguiente ahustenan ta necesario ora e congregacion ta asistí na asambleanan local: Ora tin un dia special di asamblea programá, e congregacion mester tene tur e reunionnan normal henter e siman ei, solamente e Reunion Público i e Studio di Toren di Vigilancia ta ser cancelá. Ora ta programá pa asistí na un asamblea di circuito, e congregacion lo cancelá tambe e Scol di Ministerio Teocrático i e Reunion di Sirbishi; lo tene solamente e Studio di Buki di Congregacion localmente durante e siman ei.

◼ Cuminsando cu e siman di 4 di mei, 1998, i continuando te cu e siman di 14 di september, 1998, lo considerá e buki E Bijbel—e Palabra di Dios of e palabra di hende? na Studio di Buki di Congregacion.

◼ Audiocasetnan Nobo Disponibel:

E Secreto pa Felicidad den Famia (cuater caset den un estuche)—aleman

◼ Videocasetnan Nobo Disponibel:

Jehovah’s Witnesses Stand Firm Against Nazi Assault—hapones, koreano, polaco, portugues

Purple Triangles—ruso

◼ Compact Disc Nobo Disponibel:

Kingdom Melodies Volúmen 7