Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 4 di mei te cu 24 di augustus 1998. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. Segun registro bíblico, Pablo a bishitá Corinto tres biaha. [si-S pág. 214 §3] Falsu. Su di dos i a la bes último bishita na Corinto tabata probablemente na aña 56 E.C.
2. E pasonan cu ta hiba na bautismo cristian ta cuminsá cu gana conocimentu exacto di Jehova Dios i di Jesucristo den nos curason. [kl-PA pág. 173 §7] Cierto.
3. Un gran celo pa promové interesnan di Reino no ta hustificá pa nos falta tacto, empatia i ternura ora di trata cu otronan. (1 Cor. 13:2, 3) [Lesamentu semanal di Bijbel; mira w95-PA 15/10 pág. 31 §5.] Cierto.
4. Nos por merecé bida dor di sirbi Jehova Dios. [kl-PA pág. 182 §4] Falsu. Bida eterno ta un regalo di Dios. (Rom. 6:23)
5. E texto na Galationan 5:26 ta excluí tur deporte of wega di competencia pa cristiannan berdadero. [Lesamentu semanal di Bijbel; mira g95-S 8/12 pág. 15 §8.] Falsu. Bijbel no ta condená tur competencia, pero sí e ta condená competencia cu ta fomentá banidad, rivalidad, golosidad, envidia of violencia.
6. Ora Pablo a declará na 2 Corintionan 10:4 cu “e armanan di nos guera no ta carnal,” e kier a enfatisá cu pa cristiannan protehá e congregacion contra siñansanan falsu, nan no mag recurí na armanan carnal, manera triki, abla cu ta zona masha elevá of armanan literal. [Lesamentu semanal di Bijbel; mira rs-S pág. 265 §1 (rs-E pág. 271 §3).] Cierto.
7. Pablo a skirbi e carta n’e filipensenan djis un par di luna despues cu el a forma e congregacion na Filípos, i e carta tabata debí na problemanan serio cu a lanta den nan. [si-S pág. 224 §3] Falsu. Un dies aña despues cu Pablo a funda e congregacion, un expresion di amor conmovedor di parti dje rumannan di Filípos a impuls’é pa skirbi nan e carta inspirá.
8. Manera 1 Timoteo 3:16 ta mencioná, Jesus a ser “declará hustu den spiritu,” dor di ser recompensá na su resureccion cu bida como spiritu; esaki tabata como si fuera cu Dios a declará cu Jesus tabata completamente hustu i digno di mas asignacion elevá. [Lesamentu semanal di Bijbel; mira w90-S 15/1 pág. 13 §12.] Cierto.
9. Evidentemente “e liberacion” na cua Filipensenan 1:23 ta referí, ta Pablo su prospecto di ta huntu cu Cristo inmediatamente despues cu e muri. [Lesamentu semanal di Bijbel; mira w95-PA 1/3 pág. 30 §4.] Falsu. Dor cu Pablo tabatin e creencia cu fiel cristiannan ungí lo a ser resucitá durante e presencia di Cristo, e mester tabatin sucesonan durante e periodo ei na mente.
10. Pablo a skirbi 1 Timoteo den e periodo despues cu el a sali liber for di su promé encarcelacion na Roma i promé cu el a ser encarcelá einan pa último biaha. [si-S pág. 234 §2] Cierto.
Contestá e siguiente preguntanan:
11. Den ki manera algun ruman na Corinto tabata tuma “indignamente” dje emblemanan ora nan a reuní huntu pa celebrá e Memorial di Cristo su morto? (1 Cor. 11:27) [Lesamentu semanal di Bijbel; mira w90-S 15/2 pág. 19 §17.] Ta parce cu algun tabata come i bebe asina tantu promé cu e reunion, cu nan sentidonan a bira dòf; di manera cu nan no tabata mentalmente ni spiritualmente alerto pa capta e pleno nificacion dje Cena di Señor. (Idea principal ta suficiente)
12. Ken su presencia tabata menasá e bienestar dje congregacion corintio, impulsando Pablo pa skirbi su segundo carta pa Corinto? [si-S pág. 214 §2] Presencia dje “apostelnan superfini,” kende Pablo a describí tambe como “apostelnan falsu, trahadónan engañoso.” (2 Cor. 11:5, 13, 14)
13. Con Jehova lo compensá cualkier cos cu nos sacrificá pa causa di su adoracion? [kl-PA pág. 169 §20] No ta importá loke nos a laga atras of mester wanta, nos por haña compañerismo agradabel i siguridad spiritual entre e pueblo di Dios. (Mal. 3:10; Mar. 10:29, 30)
14. Ki aspecto importante di “e secreto sagrado” e carta di Pablo n’e efesionan ta clarificá? (Efe. 3:4-6) [si-S pág. 223 §18] E ta clarificá cu “e secreto sagrado” a encerá e echo cu tabata yama hudiu i gentilnan creyente pa ta “co-heredero i miembro dje curpa i participante . . . dje promesa.”
15. Con Pablo ta duna un ehempel excelente pa ministernan cristian djawe den su manera di usa e Palabra di Dios? [si-S pág. 217 §19] El a balorá i studia e Palabra di Dios, i den su cartanan bes tras bes el a cita for dje Scritura Hebreo, a referí na dje i a haci aplicacion di dje. (Idea principal ta suficiente)
16. Kico apostel Pablo tabata kier men ora el a bisa cu e Ley “a ser agregá pa saca ofensa na cla”? (Gal. 3:19) [Lesamentu semanal di Bijbel; mira uw-PA pág. 147 §3–4.] El a ser agregá n’e pacto abrahámico; e Ley a saca na cla cu e israelitanan tabata pecadó, i asina a enfatisá cu tabatin mester di un Salbador.
17. Pa ki motibunan Pablo ta encomendá e rumannan na Filipensenan 1:3-7, i con nos por beneficiá di nan ehempel? [si-S pág. 225 §12] Pablo ta encomendá e filipensenan pa nan generosidad, nan interes amoroso pa rumannan den dificultad i pasobra nan a para firme den e mésun spiritu pa e fe dje bon nobo. Nos por beneficiá di nan ehempel dor di ta generoso, dor di yuda nos rumannan cu por ta den necesidad i dor di para firme pa e bon nobo. (Idea principal ta suficiente)
18. Pakico tur minister cristian mester sigui e conseho describí na Colosensenan 4:6? [si-S pág. 228 §13] Palabranan dje berdad papiá cu yen di gracia lo resultá di ta apetitoso pa hende di curason sincero i lo ta pa nan probecho permanente. (Idea principal ta suficiente)
19. Kico apostel Pablo tabata kier men ora el a bisa cu el a deseá pa hende muher “dorna nan mes . . . cu modestia”? (1 Tim. 2:9) [Lesamentu semanal di Bijbel; mira g90-S 22/6 pág. 19 §2.] E palabra griego “modestia” ta carga e pensamentu di ‘respetá opinion di otro hende’; bo aparencia mester ta modesto i di sano huicio, no extravagante of hopi pegá na moda. (Idea principal ta suficiente)
20. Pakico cristiannan mester haci caso dje spiertamentu di Pablo na 1 Timoteo 6:4 en coneccion cu “debatenan tocante palabra”? [si-S pág. 236 §15] Debatenan tocante palabra ta conectá cu orguyo; nan ta stroba desaroyo cristian i ta contra e siñansa saludabel. (Idea principal ta suficiente)
Yena e palabra(nan) of frase necesario pa completá cada un dje siguiente declaracionnan:
21. Segundo Corintionan tabata skirbí na Macedonia i parce cu ta Tito a entregu’é. [si-S pág. 214 §2]
22. Pablo su promé carta n’e corintionan ta sumamente probechoso pa amplia nos comprendimentu dje Scritura Hebreo, ya cu e carta ta cita hopi for di dje. [si-S pág. 213 §23]
23. Den su carta n’e galationan, Pablo ta duna prueba cu hende ta ser declará hustu mediante fe den Cristo Jesus, no mediante obranan dje Ley, i cu p’esei circuncision no ta necesario pa cristiannan. [si-S pág. 218 §6]
24. Den su promé carta n’e tesalonicensenan, Pablo ta mencioná e presencia di Jesucristo na cuater ocasion, aparentemente debí n’e interes dje congregacion ei den e siñansa aki. [si-S pág. 231 §15]
25. Pablo a skirbi e segundo carta n’e tesalonicensenan tempu cu e tabata na Corinto na aña 51 E.C. [si-S pág. 232 §4]
Scoge e contesta corecto den cada un dje siguiente declaracionnan:
26. Ora Pablo a skirbi tocante e derecho cu e tin di ricibí su necesidadnan diario mediante e ministerio, e ta referí na e (Talmud; Mishna; Ley di Moises), cu ta bisa cu no tabatin mag di bosalá bestia cu tabata trahando i cu e (levitanan; netineonan; famia sacerdotal di Aron) cu tabata sirbi den tempel a ricibí nan porcion for dje altar. [si-S pág. 213 §24]
27. Pablo su carta n’e galationan ta interpretá Isaías 54:1-6, identificando e muher di Jehova como (Jerusalem terenal; Jerusalem djariba; Jerusalem Nobo). (Gal. 4:21-26) [si-S pág. 219 §16]
28. E “administracion” na Efesionan 1:10, ta referí na (e Reino Mesiánico; e Cuerpo Gobernante; Dios su manera di manehá e asuntunan di su famia di cas). [si-S pág. 221 §8]
29. Por identificá (hudaistanan; e clase di clero di cristiandad; Babilonia e Grandi) como “e homber di maldad” mencioná na 2 Tesalonicensenan 2:3. [Lesamentu semanal di Bijbel; mira w90-S 15/1 pág. 18 §11.]
30. Si bo tin dudanan serio tocante un hende durante boso namoracion, e cos sabí pa haci ta di (laga bo sintimentunan romántico superá bo dudanan; kibra e relacion; cera bo wowo pa e faltanan serio i spera cu cos lo drecha despues cu bo casa). [fy-PA pág. 23 §19]
Cuadra e siguiente textonan bíblico cu e declaracionnan aki bou:
1 Cor. 10:11, 12; 2 Cor. 4:7; 2 Cor. 8:14; Fil. 4:6, 7; 2 Tes. 1:8, 9, 12
31. Ora un persona pone e ministerio cristian promé den su bida, e ta experenciá e poder cu Dios ta duna. [2 Cor. 4:7] [Lesamentu semanal di Bijbel; mira w90-S 1/3 pág. 29 §5.]
32. Nos tin cu haci caso dje ehempel spiertador dje israelitanan cu tabata bou dje guia di Moises i evitá di confia den nos mes. [1 Cor. 10:11, 12] [si-S pág. 213 §23]
33. Regalonan generoso di cristiannan próspero por yuda compensá e necesidad di esnan den lugánan mas pober, miéntras cu e celo i awante di esnan afligí por ta un fuente di goso i animacion pa e dunadónan. [2 Cor. 8:14] [Lesamentu semanal di Bijbel; mira w93-PA 15/12 pág. 21 §20.]
34. Nos no mester baha man na predicá e bon nobo, pasobra segun Bijbel, tur hende na bida awe cu sigui biba te na fin dje sistema malbado aki, i cu segun Dios su huicio ta enemigu di adoracion berdadero, lo ricibí destruccion eterno. [2 Tes. 1:8, 9, 12] [Lesamentu semanal di Bijbel; mira w89-S 1/5 pág. 19 §4.]
35. Jehova ta duna pas i trankilidad meimei dje circunstancianan di mas trabahoso. [Fil. 4:6, 7] [Lesamentu semanal di Bijbel; mira w88-S 1/11 pág. 30 §19-20.]