Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 7 di september te cu 21 di december 1998. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. “E don,” na 2 Timoteo 1:6, ta referí n’e abilidad di papia den diferente lenga cu a ser duná na Timoteo mediante e operacion dje spiritu santu di Dios. [Lesamentu semanal di Bijbel; mira w85-S 1/5 pág. 16 §15.] Falsu. Aparentemente Timoteo a ser designá i despues nombrá pa un sirbishi special den e congregacion cristian mediante operacion dje spiritu santu.
2. Un cristian maduro ta ‘entrená su facultadnan perceptivo pa distinguí tantu loke ta bon i loke ta malu’ dor di hacié un custumber pa usa tur conocimentu dje Palabra di Dios cu e tin. (Heb. 5:14) [Lesamentu semanal di Bijbel; mira w85-S 15/6 pág. 9 §7.] Cierto.
3. E echo cu Jehova “ta haci su solo sali riba hende malbado i bon i ta haci awa yobe riba hende hustu i inhustu” ta indicá cu den tur su tratonan cu e famia humano, Jehova a demostrá imparcialidad consistentemente. (Mat. 5:45) [w96-PA 15/11 pág. 25 §7] Cierto.
4. Santiago e escritor bíblico i Santiago e bocero dje “apostelnan i e ancianonan” ora a tuma e decision riba circuncision, ta e mésun persona. (Echo. 15:6, 13; Sant. 1:1) [si-S pág. 248 §2-3] Cierto.
5. Aunke 1 Pedro 5:13 ta declará cu Pedro tabata na Babilonia ora el a skirbi su promé carta, evidencia ta indicá cu e nomber Babilonia ta un nomber secreto pa referí na Roma. [si-S pág. 251 §4] Falsu. Ningun caminda den Bijbel ta referí na Babilonia como Roma, i otro lugánan mencioná den e promé versículo di 1 Pedro capítulo 1 ta literal.
6. E expresion “anticristo ta bini” na 1 Juan 2:18 ta referí na un solo persona. [Lesamentu semanal di Bijbel; mira rs-S pág. 37 §2 (rs-E pág. 32 §3).] Falsu. E mésun versículo ta mencioná “hopi anticristo,” di cua algun asta a biba den tempu di apostel Juan.
7. E mandamentu na 2 Juan 10 pa no ricibí cierto personanan den bo cas ni cumindá nan, ta referí solamente na esnan cu ta promové doctrinanan falsu. [Lesamentu semanal di Bijbel; mira w85-S 15/7 pág. 30 §1-3.] Falsu. Otro partinan di Bijbel ta mustra cu e tin un aplicacion mas amplio. (1 Cor. 5:11; Rev. 21:8)
8. Revelacion ta e último buki den Bijbel, pasobra e tabata e último buki cu apostel Juan a skirbi. [si-S pág. 263 §1] Falsu. Juan a skirbi Revelacion promé cu su otro obranan inspirá, pero ta pone Revelacion último den Bijbel pasobra e ta hiba su lectornan leu den futuro, n’e glorioso culminacion di Dios su propósito.
9. Revelacion 13:11-15 ta describí precis con e Potencia Mundial Anglo-Americano a bira e principal promotor i dunadó di bida di tantu e Liga di Nacionnan como di su sucesor, Nacionnan Uní. [Lesamentu semanal di Bijbel; mira w88-S 15/12 pág. 19 §3.] Cierto.
10. Siendo cu Bijbel ta permití pa bebe bebida alcohólico, lo ta apropiado pa laga custumber i tradicionnan local dicta cuantu alcohol nos por bebe. (Sal. 104:15) [w96-PA 15/12 pág. 27 §5] Falsu. Un cristian lo laga principionan di Bijbel guia su pensamentu i yud’é desaroyá un punto di bista divino di bebida alcohólico.
Contestá e siguiente preguntanan:
11. Kico ta nificá cu un superintendente no tin mag di ta un “golpiadó”? (Tito 1:7) [Lesamentu semanal di Bijbel; mira w90-S 1/9 pág. 27 §21.] E no mag di dal hende físicamente ni intimidá nan cu comentarionan abusivo of skerpi. (Idea principal ta suficiente)
12. Duna dos motibu pakico Jehova ta haci dunamentu, parti di adoracion berdadero. [w96-PA 1/11 pág. 29 §3-6; pág. 30 §3] Dunamentu ta bon pa nos; nos ta siña imitá Jehova i Jesus den un aspecto sumamente importante; dunamentu ta cumpli cu necesidadnan real i importante; dunamentu ta contribuí na nos felicidad. (Echo. 20:35) (Cualkier dos contesta; idea principal ta suficiente)
13. Kico Jesus tabata kier men ora el a bisa: “Sacrificio i ofrenda bo no tabata kier”? (Heb. 10:5) [Lesamentu semanal di Bijbel; mira w96-PA 1/7 pág. 14 §3.] Jesus a mustra cu e tabata sa cu Dios “no tabata kier” pa a sigui ofrecé sacrificio di animal n’e tempel di Jerusalem; mas bien, Dios a prepará un curpa humano perfecto pa Jesus ofrecé como un sacrificio. (Idea principal ta suficiente)
14. Con cristiannan por ‘vence mundu’? (1 Juan 5:3, 4) [si-S pág. 258 §12] Dor di tin fe firme i “e amor di Dios,” cu ta nificá warda su mandamentunan.
15. Kico e expresion di Pedro ‘tene masha presente e dia di Jehova’ ta encerá? (2 Ped. 3:12) [Lesamentu semanal di Bijbel; mira w97-PA 1/9 pág. 19 §2.] E ta nificá no posponé e dia ei den nos mente; e mester ta asina real pa nos cu nos ta mir’é claramente, manera algu net nos dilanti.
16. Kico ta cai bou di limpiesa spiritual, i con esaki ta yudá bo protehá bo famia? (2 Cor. 7:1) [fy-PA pág. 46 §14] Limpiesa spiritual ta encerá limpiesa moral, loke ta agradá Dios i ta yuda protehá e famia for di malesanan transmití sexualmente.
17. Na armonia cu Revelacion 1:7, con esnan cu a traspasá Jesus lo mir’é “ta bini cu nubia”? [Lesamentu semanal di Bijbel; mira w93-S 1/5 pág. 22 §7.] N’e destruccion na Armagedon, opositornan riba tera lo comprendé cu Jesus a bini cu poder i gran gloria como e Ehecutor designá pa Jehova.
18. Aunke Jesucristo a pasa tres aña i mei ta predicá entre e israelitanan, pakico e mayoria a rechas’é como e Mesías? [w96-PA 15/11 pág. 29 §1, 6; pág. 30 §3] E hudiunan a nenga di aceptá e señalnan cu Bijbel a duna pa mustra cu t’e tabata e Mesías; materialismo i temor di hende tabata otro factornan.
19. Pakico ta apropiado cu na Revelacion 13:1, 2 gobiernunan mundial ta ser describí como “un bestia salbahe”? [Lesamentu semanal di Bijbel; mira w89-S 1/4 pág. 20 §17.] Den e siglo 20 aki so, mas cu shen miyon hende a ser matá den gueranan dje nacionnan. (Idea principal ta suficiente)
20. Ken e ‘binticuater ancianonan’ na Revelacion 4:4 ta representá, i nan “corona” i “trono” ta recordá nos di kico? [Lesamentu semanal di Bijbel; mira w95-PA 1/7 pág. 13 §17.] E 24 ancianonan aki ta representá cristiannan ungí resucitá cu awor ta ocupá e posicion celestial cu Jehova a primintí nan; nan corona i trono ta recordá nos di nan puesto como rey.
Yena e palabra(nan) of frase necesario pa completá cada un dje siguiente declaracionnan:
21. Un esposo i esposa mester comprometé nan mes un na otro, teniendo na mente cu e persona di paden ta mas importante cu e aparencia di pafó. [fy-PA pág. 26 cuadro di repaso]
22. Pa core e careda cu ta poní nos dilanti, nos tin cu kita tur carga i e picá cu fácilmente ta coge nos den trampa, loke ta falta di fe. [Lesamentu semanal di Bijbel; mira w98-PA 1/1 pág. 10 §15.]
23. Na 2 Pedro 1:5-8, apostel Pedro ta recomendá esfuerso sincero pa edificá cualidadnan piadoso cu lo prevení nos di ta sea inactivo of infructífero. [si-S pág. 255 §9]
24. Ora esposo i esposa ta comunicá cu otro, e tono di bos i e palabranan scogí ta masha importante. [fy-PA pág. 36 §21]
25. Evidentemente, tabata den siglo dos promé cu Cristo, cu e hudiunan a cuminsá tuma over e siñansa di alma inmortal for dje griegonan. [w96-PA 1/8 pág. 6 §2-3]
Scoge e contesta corecto den cada un dje siguiente declaracionnan:
26. Durante Pablo su promé encarcelacion na Roma, (Onesíforo; Onésimo; Onan), un esclabo cu a hui for dje cas di (Felipe; Festo; Filemon), tabata entre esnan cu a scucha su predicacion. [si-S pág. 241 §2]
27. (Amor; Respet; Hospitalidad) ta ser definí como “mustra consideracion na otronan, onrando nan.” [fy-PA pág. 30 §7]
28. Na Lucas 14:28, Jesus ta papiando tocante (planea di antemano; no gasta placa; evitá di fia placa). [fy-PA pág. 40 §4]
29. E “autoridad” mencioná na Hudas 8 ta referí na (Jesus su posicion; Jehova su soberania; autoridad cu Dios ta duna den e congregacion cristian). [si-S pág. 263 §9]
30. E “tres dia i mei” cu ta ser mencioná na Revelacion 11:11, ora cu e resto ungí ta parce cadaver den bista di nan enemigunan, ta referí na (tres aña i mei; un periodo di tempu corticu; tres luna i mei). [Lesamentu semanal di Bijbel; mira re-PA pág. 167 §21.]
Cuadra e siguiente textonan bíblico cu e declaracionnan aki bou:
Pro. 8:30; Mat. 19:13-15; Heb. 2:1; Sant. 4:15; 1 Ped. 3:4
31. Pa contrarestá e influencia dje propaganda constante dje mundu aki na cua nos ta ser exponé, nos tin cu “presta mas cu e atencion acustumbrá” na e Palabra di Dios mediante bon hábitonan di studio i un bon programa di lesamentu di Bijbel. [Heb. 2:1] [Lesamentu semanal di Bijbel; mira w98-PA 1/1 pág. 7 §9.]
32. Ki ora cu nos ta traha plan pa futuro, nos tin cu considerá huntu cu oracion con nan ta pas den Dios su propósito. [Sant. 4:15] [Lesamentu semanal di Bijbel; mira w97-PA 15/11 pág. 21 §10-11.]
33. “E spiritu ketu i suave” di un esposa i mama cristian ta agradá no solamente su casá, sino mas importante ainda, ta agradá Dios. [1 Ped. 3:4] [Lesamentu semanal di Bijbel; mira w89-S 15/5 pág. 19 §12.]
34. Siguiendo Jehova su ehempel, un bon tata mester haci esfuerso pa cultivá un relacion caluroso i amoroso cu su yu for di principio mes dje yu su bida. [Pro. 8:30] [fy-PA pág. 54 §7]
35. Siendo cu Jesus no tabata parcial ora di bendicioná mucha chikitu, un persona no mester considerá yu homber como superior na yu muher. [Mat. 19:13-15] [fy-PA pág. 52 §4]