Anuncionan

◼ Oferta di literatura pa mart: Conocimentu cu Ta Hiba na Bida Eterno. Lo haci un esfuerso special pa cuminsá studio di Bijbel na cas. April cu mei: E revistanan Toren di Vigilancia i Spierta! Si na un rebishita e persona mustra interes, por ofrec’é abonament. Ofrecé e buki Conocimentu of e foyeto Rekerí, cu e meta di cuminsá studio di Bijbel na cas. Juni: Kico Dios Ta Rekerí di Nos? of Conocimentu cu Ta Hiba na Bida Eterno. Concentrá riba cuminsá studionan di Bijbel na cas.

◼ Publicadónan cu ta deseá di sirbi como pionero auxiliar durante april mester planea awor pa esei i entregá nan solicitud trempan. Esaki lo yuda e ancianonan haci e areglonan necesario pa sirbishi di veld i pa por tin suficiente revista i otro literatura disponibel. Mester anunciá n’e congregacion nomber di tur esnan aprobá pa traha como pionero auxiliar.

◼ Memorial lo ta riba diadomingo, 8 di april 2001. Riba e dia ei lo no tene ningun otro reunion cu no ta pa sirbishi di veld. E ancianonan por haci areglo apropiado pa conducí e Studio di Toren di Vigilancia riba un otro dia.

◼ Ken cu ta planea pa asistí na un congreso den un otro pais mester tuma contacto directo cu e sucursal encargá cu e congresonan den e pais ei. Sucursal di Kòrsou por duna informacion con pa haña contacto cu un otro sucursal, pero por fabor, no pidi e oficina local di sucursal pa obtené informacion tocante congreso. E rumannan mes por haci esei direct cerca e sucursal den exterior. Sucursal di Kòrsou ta ricibí contesta dje sucursal den exterior i ta mand’é pa e rumannan den congregacion.

◼ Esnan cu ta asociá cu un congregacion mester manda tur abonament nobo i renobá di E Toren di Vigilancia i Spierta! via e congregacion.

◼ Sociedad no ta atendé pedido pa literatura di publicadónan individual. E superintendente presidente mester soru pa haci un anuncio tur luna promé cu manda e congregacion su pedido mensual di literatura pa Sociedad, asina tur ruman cu ta interesá pa haña literatura personal por avisá e ruman cu ta encargá cu literatura. Por fabor, tene na mente cua publicacion ta artículo di pedido special.

◼ Ta importante pa gruponan di 20 persona of mas cu ta planea pa bishitá facilidadnan di Sociedad na Merca, skirbi promé n’e Central Tour Desk na 100 Watchtower Drive, Patterson, NY 12563-9204. E Central Tour Desk lo atendé gruponan cu lo bishitá e facilidadnan di Sociedad na Brooklyn, Patterson i Wallkill, New York, of e Salon di Asamblea na Jersey City, New Jersey. Por fabor, manda informacion en cuanto e cantidad di persona cu ta bini, e fecha i e ora cu lo bishitá cada sitio. Sociedad lo percurá un descripcion dje tournan cu ta disponibel i tambe un mapa cu ta mustra con pa yega na cada sitio. Promé cu boso bishita, por fabor, repasá e Caha di Pregunta di Nos Ministerio di Reino di mart 1998 en cuanto bistí i areglo personal apropiado ora di bishitá casnan di Betel.

◼ E anuncio den Nos Ministerio di Reino di januari 2001 lo mester tabata asin’akí: Conocimentu cu Ta Hiba na Bida Eterno—chines simplificá (pinyin). Publicacionnan na chines simplificá (pinyin) ta contené texto na chines simplificá huntu cu símbolonan di pronunciacion na pinyin. E publicacionnan aki ta útil foral pa esnan cu ta siña lesa chines mandarin.

◼ Publicacionnan Nobo Disponibel:

Bida den un trankilu mundo nobo (Tratado Num. 15) —zande

Bo Por Ta Amigu di Dios! —chichewa, indones, shona, tumbuka

E Guia di Dios—Nos Caminda pa Paradijs —albanes, tamil

Jesucristo—Ken E Ta? (Tratado Num. 24) —estonio

Kico Dios Ta Rekerí di Nos? —chines simplificá (pinyin)

Presta Atencion na e Profecia di Daniel! —tigrinya

Spiritu dje mortonan—Nan por yudá bo of hací bo daño? Nan realmente ta existí? —luganda, zande

Temanan Bíblico pa Combersacion —amárico