Anunsio

◼ Oferta di literatura pa yanüari: Kualkier buki di 192 página publiká promé ku 1987, ku e kongregashon por tin na stòk. Kongregashonnan ku tin e buki Hende en Buska di Dios na stòk por ofresé esei tambe. Febrüari: Bida—Kon El A Presentá? Dor di Evolushon òf Kreashon?, Revelacion—su gran culminacion ta cerca!, òf kualkier buki mas bieu di 192 página ku e kongregashon tin na stòk. Mart: Conocimentu cu Ta Hiba na Bida Eterno. Hasi un esfuerso spesial pa kuminsá studio di Beibel na kas. Aprel: E revistanan Toren di Vigilansia i Spièrta! Si ora rebishitá e persona e mustra interes, por ofres’é pa aboná riba e revistanan. Ofresé e foyeto Rekerí, ku e meta di kuminsá studio di Beibel.

◼ Tur publikadó batisá presente n’e Reunion di Sirbishi dje siman di 14 di yanüari por risibí e karchi di Instrukshon/Eksonerashon Médiko Delantá i e Karchi di Identifikashon pa nan yunan.

◼ Kuminsando na febrüari, i no mas tardá ku 3 di mart, e diskurso públiko nobo pa e superintendentenan di sirkuito lo ta: “Kon pa Haña Siguridat den un Mundu Peligroso.”

◼ Manera a ser anunsiá n’e kongreso di distrito 2001, e buki Benefisiá di e Edukashon dje Skol di Ministerio Teokrátiko lo ta disponibel na prinsipio di 2002. Entrante 1 di yanüari 2002, por hasi pedido dje buki aki via kongregashon na idioma ingles, koreano i spañó. Tanten ku e bukinan no ta disponibel i e kargamentu no ser mandá, lo pone nan komo “Pending” riba lista di empake di kongregashon. Nos lo anunsiá ora mas idioma bira disponibel.

◼ Kongregashonnan mester hasi areglo kumbiniente pa selebrá Memorial e aña aki riba djaweps, 28 di mart, despues ku solo baha. Ounke e diskurso por kuminsá mas trempan, e pasamentu dje pan i biña di Memorial no mag kuminsá sino te despues ku solo baha. Konsultá ku fuentenan lokal pa determiná ki ora solo ta baha den bo área. Ounke ta deseabel pa kada kongregashon tene su propio selebrashon di Memorial, esaki tal bes no ta semper posibel. Kaminda normalmente vários kongregashon ta usa e mesun Salon di Reino, kisas un òf mas kongregashon por hasi uso di un otro lugá p’e anochi ei. Kaminda ta posibel, nos ta sugerí un mínimo di 40 minüt entre e programa dje dos kongregashonnan. Asina tur hende por benefisiá plenamente dje okashon, i esei ta duna tempu pa sera konosí ku bishitante i stimulá esnan resien interesá. Mester tene kuenta ku e asuntu di tráfiko i lugá di parker; esei ta enserá kaminda pa baha pasahero for di outo òf pa rekohé nan. E kuerpo di ansiano mester disidí ki areglonan lo ta mihó lokalmente.

◼ Tin investigadó i otro hende ku a yega di tuma kontakto ku vários ruman en buska di informashon tokante Testigunan di Yehova i nos organisashon. Nan sa pidi pa yena formulario di enkuesta ku ta kontestá pregunta relashoná ku nos kreensia i siñansanan. Si hende asina aserká un publikadó di kongregashon, e publikadó tin ku duna nan e nòmber dje superintendente presidente. E ora ei e ansianonan por tuma kontakto ku Sukursal pa haña e informashon nesesario.

◼ Ora ku e superintendente presidente risibí e “Monthly Acknowlegdement” (e Konfirmashon Mensual), e mester sòru pa tur konfirmashon di kontribushon risibí p’e Fondo di Sosiedat pa Salon di Reino i p’e obra mundial, ser lesá p’e kongregashon. Mester lesa nan huntu ku e siguiente informe di kuenta.

◼ Spièrta! na chines i na chines simplifiká ta kambia bira un edishon mensual en bes di kinsenal.

◼ Spièrta! na sibemba ta kambia bira un edishon di kuartal en bes di mensual.

◼ E Toren di Vigilansia na armenio ta kambia bira un edishon mensual en bes di kinsenal.

◼ Kuminsando ku e edishonnan di yanüari 2002, E Toren di Vigilansia (kinsenal) i Spièrta! (mensual) lo ta disponibel tantu na papiamentu di Kòrsou komo papiamentu di Aruba.

◼ Kuminsando ku e edishon di yanüari 2002, E Toren di Vigilansia lo ta disponibel na e idioma kreol di Maurisio komo edishon mensual.

◼ Kuminsando ku e edishon di 1 di yanüari 2002, E Toren di Vigilansia edishon lèter grandi lo ta disponibel na kroata i norwechi.

◼ Spièrta! na zulu ta kambia bira un edishon mensual en bes di kinsenal.

◼ Publikashonnan Nobo Disponibel:

E Profecia di Isaías—Lus pa Henter Humanidad I—indones, masedonio

E Profecia di Isaías—Lus pa Henter Humanidad I—Lèter Grandi—chines simplifiká (pinyin), franses, griego, polako

Tradukshon di Mundu Nobo dje Santu Skritura—afrikaans, chines, chines (simplifiká)

◼ Vidiokasèt Nobo Disponibel:

E homber mas importante cu hamás a biba—Riba Vidiokasèt, Volúmen 4—idioma di seña merikano