Programa di Reunion di Sirbishi
Siman di 14 di Òktober
Kantika 103
10 min: Anunsio lokal. Anunsio selektá for di Nos Ministerio di Reino. Animá tur hende pa lesa Numbernan kapítulo 25 i Perspikasia, Volúmen 2 (na spañó), página 408 paragraf 6 te ku página 409 paragraf 1 [na ingles, pág. 419, §3-5], i despues wak e vidio Ehèmpelnan Spièrtador pa Nos Dia komo preparashon pa e Reunion di Sirbishi di e siman di 28 di òktober. Usa e sugerensianan na página 8, pa tene dos demostrashon pa mustra kon pa presentá E Toren di Vigilansia di 1 di òktober i e Spièrtá! di 8 di òktober. Den kada demostrashon, mustra un otro manera pa trata ku e opheshon “Ya kaba mi ta bon konosí ku boso trabou.”—Wak e foyeto chikitu Con pa Cuminsá i Continuá Consideracionnan Bíblico, página 12 òf buki Rasonamentu (na spañó), página 20.
15 min: Nesesidat lokal.
20 min: “Kon Superintendentenan di Studio di Buki di Kongregashon Ta Mustra Interes Personal.” Konsiderashon mediante pregunta i kontesta na enkargo di un superintendente di Studio di Buki di Kongregashon. Den e komentarionan di introdukshon, splika brevemente kon e areglo di studio di buki a kuminsá. (jv-S pág. 237, §4) Hasi areglo di antemano pa dos òf tres publikadó ekspresá kon nan a benefisiá di e interes personal ku a ser mustrá den nan na e Studio di Buki di Kongregashon.
Kantika 65 i orashon di konklushon.
Siman di 21 di Òktober
Kantika 206
10 min: Anunsio lokal. Informe di kuenta.
35 min: “Benefisiá Plenamente di e Kongreso di Distrito ‘Proklamadónan Seloso dje Reino.’” Na enkargo di e konduktor di Studio di Toren di Vigilansia. Despues di un introdukshon di un minüt, konsiderá ku e ouditorio e programa di kongreso di distrito, usando e preguntanan den e artíkulo. Parti bo tempu bon. Bo por duna komentarionan breve ku ta yuda e ouditorio kòrda e puntonan klave. Ora ta apropiá, puntra e ouditorio kon nan a kuminsá apliká loke nan a siña i kon esaki a benefisiá nan.
Kantika 194 i orashon di konklushon.
Siman di 28 di Òktober
Kantika 110
8 min: Anunsio lokal. Animá tur presente pa repasá nan notanan di e programa di e último dia spesial di asamblea komo preparashon pa e konsiderashon na e siguiente Reunion di Sirbishi. Kòrda publikadónan pa entregá rapòrt di sirbishi di vèlt di òktober. Laga un ruman muhé usa e sugerensianan na página 8 pa demostrá kon pa ofresé E Toren di Vigilansia di 15 di òktober i un ruman hòmber pa mustra kon pa ofresé e ¡Despertad! di 22 di òktober. Despues di kada presentashon, enfatisá brevemente un punto efikas di e presentashon.
12 min: Eksperensia lokal. Invitá e kongregashon pa relatá eksperensia ku nan tabatin miéntras nan tabata biaha pa bai i bini for di kongreso di distrito, òf dunando testimonio informal na trabou, skol, ora di hasi kompras, etcetera.
25 min: “Un Apelashon Sinsero pa Hasi Kaso di Ehèmpelnan Spièrtador pa Nos Dia.” Limitá komentarionan di introdukshon na ménos ku un minüt, kuminsá mesora ku e konsiderashon ku ouditorio i trata tur e preguntanan den e artíkulo. Desèmber nos lo repasá e vidio Sin Sanger—Medisina Ta Aseptá e Reto.
Kantika 41 i orashon di konklushon.
Siman di 4 di Novèmber
Kantika 66
10 min: Anunsio lokal. Repasá brevemente algun sugerensia pa presentá e foyeto Rekerí i e buki Conocimentu for dje suplemento di Nos Ministerio di Reino di yanüari 2002. Hasi un demostrashon.
13 min: No Tene Bèrgwensa dje Evangelio. (Rom. 1:16) Hóben ta aserká su tata ku un problema. E hóben ta vasilá pa identifiká su mes komo un Testigu di Yehova dor ku e tin miedu ku su pareunan lo tent’é. E tata ta gradisí e hóben pasobra el a ser franko tokante e asuntu. E tata ta relatá kon Pedro a yega di reakshoná debí na preshon di pareu. (Mat. 26:69-74) E tata ta duna e siguiente konseho: Nunka nos mester sinti bèrgwensa pasobra nos ta kristian. (Mar. 8:38) Si bo identifiká bo mes komo un Testigu na skol, e ta bon pa bo mes. Ora e maestronan sa esei, hopi di nan lo respetá bo kreensianan i nan lo no purba enbolbé bo den aktividatnan ku pa abo ta kuestionabel. Hóbennan sin prinsipio kasi lo no preshoná bo pa hasi kos di mala mucha. Esei ta pone tambe ku bo otro kompañeronan lo por komprendé mas lihé dikon bo no ta sali ku otro mucha hòmber òf muhé, no ta partisipá den deporte ni den otro aktividatnan despues di skol huntu ku nan. Si tempu permití, e tata ku e hóben por konsiderá algun punto bou di e suptema “Deklará Públikamente Bo Amistat ku Dios” den e buki Loke hovenan sa puntra—Contesta práctica, na página 315-18. E teenager ta yama e tata danki pa e bon konsehonan.
22 min: Someté Boso Mes na Dios—Oponé Diabel. (Sant. 4:7) Un ansiano ta usa e preguntanan den e parti aki pa tene un konsiderashon entusiasmá ku e ouditorio tokante e dia spesial di asamblea ku a tuma lugá durante e último aña di sirbishi. Invitá e ouditorio pa relatá kon nan por a apliká loke nan a siña. (Por asigná algun porshon di antemano.) Enfatisá e siguiente partinan dje programa: (1) “Sumishon na Dios den un Mundu Sklabisá.” Dikon nos mester ta alerta pa evitá trampanan di mundu? (2) “Manifestá Sumishon na Dios Komo Miembro di Famia.” Dikon tin un nesesidat urgente pa fortalesé relashonnan di famia den e organisashon di Yehova? Kon nos por hasi esei? (3) “Yuda Disipel Nobo Para Firme na Banda di Yehova.” Kon nos por yuda esnan nobo vense opstákulo ku ta pone nan fe na prueba? (4) “Loke Oponé Diabel Ta Nifiká.” Kiko ta e klave pa para firme kontra Diabel? Kon e armadura spiritual deskribí na Efesionan 6:11-18 por protehá nos? (w92-S 15/5 21-3) (5) “Hóbennan Ku Tin Éksito den Resistí e Malbado” i “Hóbennan Ku Ta Benefisiá di Sumishon na Dios.” Kua ta algun di Satanas su mañanan ku hóbennan mester tene kuidou kuné? Kon hóbennan ta ser bendishoná ora nan someté nan mes na Yehova? (w90-S 1/8 13-14, §15-17) (6) “Benefisiá di Sumishon na Dios.” Splika kon kristiannan a demostrá sumishon na gobièrnu, doño di trabou, den sírkulo di famia i den e kongregashon kristian. Kua kualidatnan lo yuda nos hasi meskos?
Kantika 185 i orashon di konklushon.