Anunsio

◼ Oferta di literatura pa yanüari: Por ofresé kualkier buki di 192 página publiká promé ku 1988. Sukursalnan ku no tin buki bieu di 192 página por ofresé Hende en Buska di Dios. Febrüari: E oferta lo ta e buki nobo Hala Serka Yehova. Sukursalnan ku no tin e publikashon aki ainda por usa e buki Kreashon òf e buki Revelashon komo oferta. Mart: Ofresé e buki Conocimentu, i hasi esfuerso pa kuminsá studio di Beibel. Aprel i mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, ofresé prinsipalmente e buki Adorá e Úniko Dios Berdadero. Mester hasi tur esfuerso pa kuminsá un studio di Beibel na kas, spesialmente ku un persona ku a studia e buki Conocimentu i e foyeto Rekerí kaba.

◼ Kuminsando na febrüari, i no mas tardá ku 2 di mart, e diskurso públiko nobo pa superintendente di sirkuito lo ta “Liberashon for di un Mundu di Skuridat.”

◼ Kongregashonnan mester hasi areglo kumbiniente pa tene e Memorial di e aña aki riba djarason 16 di aprel, despues ku solo baha. Maske e diskurso lo por kuminsá mas trempan, e pasamentu di e pan ku biña no mag kuminsá sino te despues ku solo baha. Konsultá ku outoridatnan lokal pa determiná ki ora solo ta baha den boso área. Den kaso ku normalmente vários kongregashon ta usa e mesun Salon di Reino, kisas un òf mas kongregashon por buska otro lugá pa reuní e anochi ei. Kaminda ta posibel, nos ta rekomendá un lapso mínimo di 40 minüt entre e programanan pa asina tur hende por benefisiá plenamente di e okashon ei. Tambe mester tene kuenta ku e asuntu di tráfiko i di parker; esei ta enserá kaminda pa baha pasahero for di outo òf pa rekohé nan. E kuerpo di ansiano mester disidí ki areglonan lo ta mihó lokalmente.

◼ Kuminsando ku e edishon aki, e lista di publikashonnan nobo disponibel lo no aparesé mas den Nos Ministerio di Reino. Tur luna lo sigui manda e informashon aki na tur kongregashon mediante un karta titulá “Anunsio pa Tur Kongregashon.” Asina ku risibí e “Anunsio pa Tur Kongregashon,” mester laga hasi un anunsio na e siguiente Reunion di Sirbishi tokante e artíkulonan ku lo ta útil pa boso kongregashon. Kaba lo por pone e anunsio riba bòrchi. Anto despues, e sirbidó di literatura mester ward’é den su fail.