Anunsio

◼ Oferta di literatura pa febrüari: E buki nobo Hala Serka Yehova. Sukursalnan ku no tin e publikashon aki ainda por usa e buki Kreashon òf e buki Revelacion komo oferta. Mart: Ofresé e buki Conocimentu, i hasi esfuerso pa kuminsá studio di Beibel. Aprel ku mei: Ofresé ehemplarnan di tantu E Toren di Vigilansia komo Spièrta! Ora di rebishitá hende interesá, ku por ta entre otro, esnan ku a asistí na Memorial òf na un otro evenementu teokrátiko pero kende no ta asosiá aktivamente ku e kongregashon, konsentrá riba laga e buki Adorá e Úniko Dios Berdadero. Mester hasi tur esfuerso pa kuminsá un studio di Beibel na kas, spesialmente ku un persona ku a studia e buki Conocimentu i e foyeto Rekerí kaba.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di mart òf mas pronto posibel despues di esei. Ora esei tuma lugá, hasi un anunsio n’e kongregashon despues di lesa e siguiente informe di kuenta. Lesa tur karta ku ta konfirmá ku Sosiedat a risibí donashon di plaka ku e kongregashon a hasi na e obra mundial i na otro fondonan patrosiná dor di e organisashon.

◼ E sekretario i e superintendente di sirbishi mester repasá e aktividat di tur pionero regular. Si un di nan tin problema pa alkansá e rekisito di ora, e ansianonan mester hasi areglo pa dun’é yudansa. Pa haña sugerensia, repasá e kartanan anual di Sosiedat S-201-PA. Mira tambe paragraf 12-⁠20 di e suplemento di Nos Ministerio di Reino [na spañó] di ougùstùs 1986.

◼ E tema di e diskurso spesial pa e temporada di Memorial 2003 lo ta “Babilonia Su Ora di Huisio A Yega?” Mira e anunsio ku tin di haber ku esaki den Nos Ministerio di Reino di sèptèmber 2002.

◼ Siendo ku a stòp ku e areglo di abonamènt personal via pòst, ta importante pa kongregashonnan saka e ehemplarnan nobo di E Toren di Vigilansia i Spièrta! asina ku nan yega. Esaki lo permití e publikadónan haña nan ehemplarnan personal i familiarisá nan mes ku e kontenido promé ku nan ofresé e revistanan den sirbishi di vèlt.

◼ Riba djasabra 10 di mei 2003, e fasilidatnan di sukursal na Kòrsou, Brooklyn, Patterson i Wallkill (New York, Merka) lo ta será pa limpiesa general. E sukursalnan na Brooklyn, Patterson i Wallkill lo ta será riba e siguiente djasabranan tambe: 8 di mart 2003 (graduashon di Galat); 13 di sèptèmber 2003 (graduashon di Galat) i 4 di òktober 2003 (reunion anual di Watch Tower Bible and Tract Society of Pennsylvania). Riba e fechanan ei lo no por duna tour.