Anunsio

◼ Oferta di literatura pa aprel ku mei: Ehemplarnan di tantu E Toren di Vigilansia komo Spièrta! Ora di rebishitá hende interesá, ku por inkluí esnan ku a asistí na Memorial i/òf na otro eventonan teokrátiko pero ku no ta asosiá aktivamente ku e kongregashon, konsentrá riba laga e buki nobo Adorá e Úniko Dios Berdadero. Mester hasi tur esfuerso pa kuminsá un studio di Beibel na kas, spesialmente ku un persona ku a studia e buki Conocimentu i e foyeto Rekerí kaba. Yüni: Ofresé e buki Conocimentu òf e foyeto Rekerí. Si un doño di kas tin e publikashonnan aki kaba, usa un otro foyeto apropiá ku e kongregashon tin na stòk. Yüli ku ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Kico Ta Sosodé cu Nos ora Nos Muri?, Kiko Ta e Propósito di Bida? Kon Bo Por Haña Sa?, “Mira! mi ta traha tur cos nobo” i Ora un Persona Stimá Muri.

◼ Kuminsando na aprel, lo inkluí badge pa e kongreso di distrito 2003 na hulandes, ingles, papiamentu i spañó, outomátikamente huntu ku e kargamentu di literatura. Lo no tin nodi pidi nan. Lo manda e karchinan na sèt di 25, basá riba e tamaño di kada kongregashon. Si e kongregashon tin mester di mas karchi, mester hasi pedido pa esakinan riba un Formulario di Pedido di Literatura (S-14). Mester hasi pedido di e plèstik pa e karchi pa esnan den kongregashon ku kier nan.

◼ Ofisina di sukursal mester tin un registro al dia di adrès i number di telefon di tur superintendente presidente i sekretario. Asina ku tin un kambio, e Komité di Sirbishi di Kongregashon mester yena e formulario S-29, Kambio di Adrès di Superintendente Presidente/Sekretario, i mand’é mesora pa ofisina di sukursal. Esaki ta inkluí kambio den kódigo di telefon di e zona tambe.

◼ Sekretarionan di kongregashon mester mantené un suministro adekuá di e Solisitut pa Sirbishi di Pionero Regular (S-205-PA) i Solisitut pa Sirbishi di Pionero Ousiliar (S-205b-PA). Por hasi pedido pa e formularionan aki riba e Formulario di Pedido di Literatura (S-14). Tene un stòk di por lo ménos un aña. Repasá tur formulario di solisitut di pionero regular pa hasi sigur ku nan ta kompletamente yená. Si e solisitante no por kòrda e fecha eksakto di su boutismo, mester kalkul’é i hasi un anotashon di dje.

◼ Ki ora ku bo inkluí den bo plannan di biahe pa asistí na reunionnan di kongregashon, na un asamblea òf un kongreso di distrito den un otro pais, bo mester dirigí bo petishon pa haña informashon tokante fecha, ora i sitio di reunion na e ofisina di sukursal ku ta supervisá e obra den e pais ei. Por haña adrès di ofisinanan di sukursal na e último página di e Anuario mas nobo.

◼ Den e programa di Skol di Ministerio Teokrátiko pa aña 2003 lo tin algun ahuste pa parti num. 1. Na lugá di usa e buki “Tur Scritura Ta Inspirá di Dios i Probechoso,” rumannan hòmber enkargá ku e parti aki mester usa lo siguiente komo fuente di informashon: Pa e siman di 21 di aprel, E Toren di Vigilansia di 1 di mart 2003, página 30 §2-4. Pa e siman di 26 di mei, E Toren di Vigilansia di 1 di mart 2003, página 30 §5–página 31 §4. Anto pa e siman di 28 di yüli, e kuadro ku tin na página 4 di e Ministerio di Reino aki.