Anunsio

◼ Oferta di literatura pa sèptèmber: E Bijbel—e Palabra di Dios of e palabra di hende? òf kualke otro buki ku e kongregashon tin na stòk. Òktober: Lo tin un kampaña spesial pa distribuí e foyeto nobo, pero tambe lo ofresé ehemplarnan lòs di E Toren di Vigilansia i Spièrta! durante henter e luna. Despues lo perkurá mas detaye pa hasi sigur ku ta kaba ku e stòk regular di revista. Kaminda hende mustra interes, introdusí e foyeto Rekerí, i hasi rebishita ku e meta di kuminsá studio di Beibel. Novèmber: Siña for di e Gran Maestro. Si un persona bisa ku e no tin yu, ofres’é e foyeto Rekerí. Ora usa e foyeto, konsentrá riba kuminsá studio di Beibel. Desèmber: E homber mas importante cu hamás a biba. Si boso no tin esei, por ofresé tambe E Bijbel—e Palabra di Dios of e palabra di hende? Mi buki di relato bíblico i e foyeto Disfruta di bida riba tera pa semper!

◼ Durante un Reunion di Sirbishi den desèmber nos lo konsiderá e vidio Sin Sanger—Medisina Ta Aseptá e Reto. Awor e ta disponibel riba DVD komo parti di e Seri di Dokumentario—Alternativanan pa Transfushon. E DVD aki ta kontené e siguiente programanan: Strategianan Alternativo pa Transfushon: Simpel, Safe i Efektivo; Asistensia Médiko sin Transfushon: Kumpliendo ku Nesesidat i Derecho di Pashènt; i Sin Sanger—Medisina Ta Aseptá e Reto. E DVD ta presentá e vidionan na ingles ku e opshon pa skucha nan na aleman, franses, hapones, ingles, italiano, portugues (di Brazil), ruso i spañó. E vidiokasèt Sin Sanger ta disponibel na búlgaro, chines (kantones), franses, griego, hapones, hulandes, ingles, italiano, koreano, polako, ruso i spañó. Si ta nesesario, mester bestèl e DVD i e vidiokasèt via kongregashon mas pronto posibel.

◼ E diskurso spesial pa e temporada di Memorial 2005 lo ser duná riba djadumingu 10 di aprel. Lo anunsiá e tema di e diskurso despues. E kongregashonnan ku tin e bishita di e superintendente di sirkuito òf un asamblea e fin di siman ei lo tene e diskurso spesial e siguiente siman. Ningun kongregashon mester tene e diskurso spesial promé ku 10 di aprel 2005.

◼ E Papel di Inspekshon pa Siguridat (T-34-S) ku kongregashonnan ta haña tur aña, mester ser yená den luna di sèptèmber pa un ruman hòmber kompetente nombrá pa e Komité di Mantenimentu di Salòn di Reino. Tur kongregashon ku ta usa e salòn mester risibí un kopia di e papel yená mesora. Si tin ku hasi sierto trabounan di mantenshon, e ansianonan mester perkurá pa esakinan sosodé na bienestar di e kongregashon. Ora e superintendente di sirkuito bishitá e kongregashon, lo e repasá e Papel di Inspekshon pa Siguridat (T-34-S).

◼ Nos kier rekordá ansianonan pa sigui e instrukshonnan na página 21-3 di E Toren di Vigilansia na spañó di 15 di aprel 1991, relashoná ku hende ekspulsá òf desasosiá ku nan mester bishitá.

◼ Kongregashonnan mester saka e ehemplarnan nobo di E Toren di Vigilansia i Spièrta! asina ku nan yega. Esaki lo permití e publikadónan familiarisá nan mes ku e kontenido promé ku nan ofresé e revistanan den sirbishi di vèlt.

◼ Òktober lo ta un bon luna pa traha pionero ousiliar, ya ku lo e tin sinku fin di siman kompletu.

◼ Den e “Programa pa Skol di Ministerio Teokrátiko pa 2004” lo tin algun ahuste pa Parti Num. 1 pa e periodo di 11 di òktober pa 6 di desèmber 2004. Nos a tradusí e 30 paragrafnan di e buki “Tur Skritura Ta Inspirá di Dios i Probechoso,” página 284 pa 293. Rumannan enkargá ku e partinan ei mester usa e suplementonan di Nos Ministerio di Reino di sèptèmber i di novèmber 2004 komo fuente di informashon. E numbernan di paragraf di e suplementonan ta kuadra ku esnan di e buki “Tur Skritura.”