Anunsio

◼ Oferta di literatura pa mart: Ofresé e buki nobo Kiko Beibel Ta Siña Realmente? Hasi un esfuerso spesial pa kuminsá estudionan di Beibel. Aprel ku mei: Ofresé ehemplarnan lòs di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá estudio di Beibel den e buki ei. Yüni: Ofresé e buki Siña for di e Gran Maestro. Si e personanan bisa ku nan no tin yu, ofresé e buki Felicidad den Famia.

◼ Aprel lo ta un bon luna pa traha pionero ousiliar, ya ku e tin sinku fin di siman kompletu.

◼ Memorial lo ta riba djarason 12 di aprel 2006. Si boso kongregashon normalmente tin reunion riba djarason, mester kambia esaki pa un otro dia di siman si e Salòn di Reino ta disponibel. Si esaki no ta posibel i esei lo afektá boso Reunion di Sirbishi, por inkorporá e partinan ku ta partikularmente aplikabel na boso kongregashon den un otro Reunion di Sirbishi.

◼ Kongregashonnan mester saka e ehemplarnan nobo di E Toren di Vigilansia i Spièrta! asina ku nan yega. Esaki lo permití e publikadónan familiarisá nan mes ku e kontenido promé ku nan ofresé e revistanan den sirbishi di vèlt. E publikadónan mester haña Nos Ministerio di Reino tambe asina ku e yega. Lo por distribuí esaki via e Estudio di Buki di Kongregashon.

◼ Nos lo konsiderá e vidio Noe A Kana ku Dios den un Reunion di Sirbishi durante mei. Si ta nesesario, mester bestèl e vidio via kongregashon mas pronto posibel.

◼ Ofisina di sukursal no ta atendé pedido pa literatura di publikadó individual. E superintendente presidente mester sòru pa tur luna hasi un anunsio promé ku manda e kongregashon su pedido mensual di literatura pa sukursal, ya asina tur ruman ku ta interesá pa haña literatura por hasi nan pedido serka e ruman ku ta enkargá ku literatura. Por fabor, tene na mente kua publikashon ta artíkulo di pedido spesial.

◼ Warda e suplemento di e edishon aki di Nos Ministerio di Reino, “Un Karta di Kuerpo Gobernante,” ya ku nos lo us’é den e Reunion di Sirbishi di e siman di 1 di mei.