Anunsio
◼ Oferta di literatura pa aprel ku mei: Ehemplarnan di tantu E Toren di Vigilansia komo ¡Despertad! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá un estudio di Beibel den e buki ei. Yüni: E buki E Secreto pa Felicidad den Famia. Yüli: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Hamas Lo Yega di Tin un Mundu Sin Guera?, Keda Vigilá!, Kico Ta Sosodé cu Nos ora Nos Muri?, “Mira! mi ta traha tur cos nobo,” Ora un Persona Stimá Muri, Spiritu dje mortonan—Nan por yudá bo of hací bo daño? Nan realmente ta existí? i Un Buki pa Tur Hende.
◼ Kuminsando na aprel, lo manda badge pa e kongreso di distrito 2007 outomátikamente huntu ku kargamentu di literatura. Lo no tin nodi pidi nan. Si e kongregashon tin mester di mas karchi, mester hasi pedido pa esakinan riba e Formulario di Pedido di Literatura (S-14). Rumannan den e kongregashon ku ta deseá esaki mester hasi pedido di e plèstik pa e karchi.
◼ Sekretarionan di kongregashon mester mantené un kantidat adekuá di e formularionan Solisitut pa Sirbishi di Pionero Regular (S-205-PA) i Solisitut pa Sirbishi di Pionero Ousiliar (S-205b-PA). Por hasi pedido pa nan riba e Formulario di Pedido di Literatura (S-14). Tene un stòk di por lo ménos un aña. Promé ku manda solisitut di pionero regular pa sukursal, hasi sigur ku nan ta kompletamente yená.
◼ Ofisina di sukursal mester tin un registro al dia di adrès i number di telefòn di tur superintendente presidente i sekretario. Asina ku tin un kambio, e Komité di Sirbishi di Kongregashon mester yena e formulario, Kambio di Adrès di Superintendente Presidente/Sekretario (S-29), firm’é i mand’é mesora pa e ofisina di sukursal. Esaki ta inkluí kambio den kódigo di telefòn tambe.
◼ Ora bo plannan di biahe ta inkluí asistensia na e reunionnan di kongregashon, òf na un asamblea òf kongreso di distrito den un otro pais, bo mester dirigí bo petishon pa haña informashon tokante fecha, ora i sitio di reunion na e ofisina di sukursal ku ta supervisá e obra den e pais ei. Por haña adrès di ofisinanan di sukursal na e último página di e Anuario mas nobo.