Anunsio
◼ Oferta di literatura pa yüli ku ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restora paradijs, E nomber divino cu lo permanece pa semper, Hamas Lo Yega di Tin un Mundu Sin Guera?, Keda Vigilá!, Kico Ta Sosodé cu Nos ora Nos Muri?, “Mira! mi ta traha tur cos nobo,” Ora un Persona Stimá Muri, Spiritu dje mortonan—Nan por yudá bo of hací bo daño? Nan realmente ta existí? i Un Buki pa Tur Hende. Sèptèmber: E buki Kiko Beibel Ta Siña Realmente? Hasi esfuerso spesial pa kuminsá estudio di Beibel na e promé bishita. Si e doño di kas tin e buki kaba, dun’é un demostrashon breve di un estudio di Beibel pa mustr’é kon e por saka benefisio di dje. Òktober: Ofresé ehemplarnan lòs di E Toren di Vigilansia i Spièrta! Kaminda hende mustra interes, presentá i konsiderá e tratado Lo Bo Kier Sa Mas Tocante Bijbel? ku e meta pa kuminsá un estudio di Beibel.
◼ Sèptèmber lo ta un bon luna pa traha pionero ousiliar, ya ku e tin sinku fin di siman kompletu.
◼ Kuminsando na sèptèmber, superintendentenan di sirkuito lo duna e diskurso públiko titulá “Kiko Ta Indiká Ku Beibel Ta Outéntiko?”
◼ Kongregashonnan ta ser rekomendá pa manda formularionan di solisitut pa sirbishi di pionero regular na ofisina di sukursal por lo ménos 30 dia promé ku e fecha ku e publikadó a pidi p’e kuminsá traha komo pionero. E sekretario di kongregashon tin ku repasá e formularionan pa hasi sigur ku nan ta kompletamente yená. Si un solisitante no por kòrda e fecha eksakto di su boutismo, e mester kalkulá esaki i hasi un nota di dje. E sekretario mester anotá e fecha aki riba e karchi di Registro di Publikadó di Kongregashon (S-21).
◼ Mester hasi e inventario anual di tur literatura i revista na stòk dia 31 di ougùstùs 2007, òf un dia mas serka posibel di e fecha ei. E inventario aki ta similar na e konteo mensual ku e kordinadó di literatura ta hasi, i mester skirbi e totalnan riba e formulario Inventario di Literatura (S-18). Por haña e kantidat total di revista na stòk for di e sirbidó(nan) di revista. E sekretario di e kongregashon kordinadó mester supervisá e inventario. E ku e superintendente presidente di e kongregashon kordinadó lo firma e formulario. Kada kongregashon kordinadó lo risibí tres formulario di Inventario di Literatura. Por fabor, manda e original pa ofisina di sukursal no mas tardá ku dia 6 di sèptèmber. Warda un kopia den boso fail. Por usa e di tres kopia komo klat.