Anunsio

◼ Oferta di literatura pa desèmber: Ofresé e buki E homber mas importante cu hamás a biba. Por ofresé tambe e bukinan Hala Serka Yehova òf E Secreto pa Felicidad den Famia. Yanüari: Por ofresé kualke buki di 192 página imprimí riba papel ku por kambia koló òf kualke buki ku a ser publiká promé ku 1991. Kongregashonnan ku no tin ningun di e bukinan mas bieu aki por ofresé e buki Conocimentu (si nan tin) òf e foyeto Keda Vigilá! Febrüari: Ofresé e buki E Secreto pa Felicidad den Famia. Mart: Kiko Beibel Ta Siña Realmente? Hasi esfuerso spesial pa kuminsá estudio di Beibel.

◼ Un ruman asigná dor di e superintendente presidente mester kontrolá e kuentanan di kongregashon di luna di sèptèmber, òktober i novèmber. No mester usa e mesun persona pa hasi kontròl tras di otro. Ora e kontròl ei tuma lugá, mester hasi un anunsio n’e kongregashon despues ku lesa e siguiente informe di kuenta.—Wak e formulario Instrukshonnan pa Kuenta di Kongregashon (S-27-PA).

◼ Por fabor, tuma nota ku e Memorial pa aña 2009 lo kai riba djaweps, 9 di aprel, despues ku solo baha. Nos ta duna e aviso delantá aki pa asina rumannan por hasi reservashon òf sera kontraktnan nesesario pa salanan disponibel si tin vários kongregashon ta usa e mesun Salòn di Reino i mester buska otro kaminda pa reuní. Den kasonan asina, ansianonan mester tin un akuerdo ku gerensia di e lugá pa hasi sigur ku lo no tin bochincha di otro aktividat den e edifisio. Asina e selebrashon di Memorial por tuma lugá na un manera pasífiko i ordená.