Kiko Nos Por Bisa di e Revistanan

E Toren di Vigilansia 1 di Yanüari

“Tin opinionnan religioso kontradiktorio tokante uso di bibida alkohóliko. Kiko bo ta kere ta Dios su punto di bista tokante bebementu di alkohòl? [Permití e persona kontestá.] Beibel ta bisa ku un biaha Hesus milagrosamente a kombertí awa den biña, pero wak kiko mas Beibel ta bisa. [Lesa Proverbionan 23:⁠20a.] E revista akí ta mustra e punto di bista balansá di Beibel tokante e asuntu akí.”

¡Despertad! Yanüari

Lesa Echonan 17:⁠31a. Kaba bisa: “Hopi hende ta sinti miedu ora nan pensa riba e Dia di Huisio. Kiko abo ta pensa di esei? [Permití e persona kontestá.] Beibel ta siña ku e Dia di Huisio ei lo trese hopi bendishon pa humanidat. E artíkulo akí ta duna un splikashon di esei.” Hala atenshon na e artíkulo ku ta kuminsá na página 10.

E Toren di Vigilansia 1 di Febrüari

“Hopi hende ta karga speransa di bai shelu ora nan muri. Esei ta algu ku ta atraé bo? [Permití e persona kontestá.] Mira kiko Beibel ta bisa ku lo ta e rekompensa ku mayoria di bon hende lo haña. [Lesa Salmo 37:⁠29.] E revista akí ta mustra kiko Beibel ta bisa tokante ken lo bai shelu i kiko nan lo hasi einan.”

¡Despertad! Febrüari

“Divorsio ta algu masha komun awe. Bo ta kere ku parehanan kasá ta konsiderá tur e faktornan enbolbí promé ku nan disidí di divorsiá? [Permití e persona kontestá. Despues lesa Proverbionan 14:⁠15.] E revista akí ta trata kuater punto ku ta bon pa parehanan kasá konsiderá ora nan tin pensá di divorsiá.”