Ta Importante pa Sirbidónan Kristian Hasi Orashon
1. Kiko ta nesesario pa nos por kumpli ku nos ministerio?
1 Pa nos kumpli ku nos ministerio nos tin mester di yudansa. Yehova ta duna nos forsa pa hasi e trabou. (Fil. 4:13, NW) Ademas, e ta usa su angelnan pa yuda nos haña hende semehante di karné. (Rev. 14:6, 7) I tambe Yehova ta laga e simia di bèrdat ku nos ta planta i muha krese. (1 Kor. 3:6, 9) Pues, ta masha importante pa sirbidónan kristian dependé di nos Tata selestial mediante orashon.
2. Kiko ta algun kos ku nos por pidi p’e den orashon?
2 Pa Nos Mes: Tur ora bai ku nos ta prediká nos mester hasi orashon. (Efe. 6:18) Kiko ta algun kos ku nos por pidi p’e den orashon? Nos por resa pidi pa un aktitut positivo tokante nos teritorio i tambe pa nos por tin kurashi. (Echo. 4:29) Nos por pidi Yehova guia nos na hende sinsero ku tin deseo pa studia Beibel. Si e doño di kas hasi nos un pregunta, nos por pidi Yehova den un orashon kòrtiku i silensioso pa yuda nos duna un kontesta apropiá. (Neh. 2:4) Tambe nos por pidi Yehova pa duna nos sabiduria pa asina nos tene e ministerio komo prioridat den nos bida. (Sant. 1:5) Ademas, Yehova ta keda kontentu ora nos ta inkluí ekspreshonnan di gradisimentu pa e privilegio di ta su sirbidó.—Kol. 3:15.
3. Kon nos orashonnan pa otro por kontribuí na e adelanto di e trabou di prediká?
3 Pa Otro Rumannan: Nos tin ku hasi orashon tambe “pa otro,” asta menshoná nòmber di otro sirbidónan ora ta apropiá. (Sant. 5:16; Echo. 12:5) Bo salú ta stroba bo di hasi hopi den e trabou di prediká? E ora ei lo bo por hasi orashon pa otro sirbidónan ku sí ta bon di salú. Nunka no balotá kuantu bo orashon pa nan por logra! Tambe ta apropiá pa hasi orashon pa e outoridatnan no oponé e trabou di prediká, ya asina nos rumannan por sigui “hiba un bida trankil i ketu.”—1 Tim. 2:1, 2.
4. Dikon nos mester perseverá den orashon?
4 Predikashon di e bon notisia rònt mundu ta un trabou inmenso. Si nos ‘perseverá den orashon,’ nos lo kumpli ku e trabou ku Yehova su yudansa.—Rom. 12:12.