Kiko Nos Por Bisa di e Revistanan

E Toren di Vigilansia 1 di Yanüari

“Hopi hende no ta kere ku e hòfi di Edén realmente a eksistí. Lo bo keda sorprendí si bo haña sa ku Hesus a papia di Adam ku Eva komo personanan ku real? [Permití e persona kontestá. Despues lesa Mateo 19:​4-⁠6.] E revista akí ta kontestá algun pregunta ku hende sa hasi tokante e hòfi di Edén.”

¡Despertad! Yanüari

“Algun hende ta kere ku fe ta basá riba emoshon en bes di riba motibunan sólido. Kiko abo ta pensa? [Permití e persona kontestá.] Segun Beibel fe no ta nifiká kere siegamente den algu. [Lesa 1 Juan 4:⁠1.] E artíkulo ku ta kuminsá na página 28 ta splika kon nos por hasi sigur ku nos fe tin un base sólido.”

E Toren di Vigilansia 1 di Febrüari

“Divorsio ta algu masha komun awendia. Kiko bo ta kere ta e motibu prinsipal di esei? [Permití e persona kontestá.] Mira kiko a yuda hopi pareha kasá. [Lesa 1 Korintionan 10:⁠24.] E revista akí ta menshoná seis keho komun di esposo- i esposanan i e ta mustra tambe kon prinsipionan di Beibel por yuda.”

¡Despertad! Febrüari

“Ta parse ku hende ta birando mas i mas interesá den vampiro, hèks i tovenar. Bo ta kere ku ta malu pa mete ku kosnan okulto? [Permití e persona kontestá.] Wak e spièrtamentu ku Dios a duna Israel di antigwedat. [Lesa Deuteronomio 18:​10-⁠12.] E revista akí ta mustra kiko Beibel ta bisa tokante kosnan okulto.”