Anunsio

◼ Oferta di literatura pa aprel i mei: E Toren di Vigilansia i ¡Despertad! Ora di rebishitá hende interesá, bishitá tambe esnan ku a asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé nan e buki Kiko Beibel Ta Siña Realmente? ku e meta pa kuminsá un estudio di Beibel. Yüni: Kiko Beibel Ta Siña Realmente? Trata na kuminsá un estudio durante e promé bishita. Si e doño di kas tin e buki kaba i no aseptá un estudio di Beibel, por laga revistanan ménos resien òf un foyeto ku tin un tópiko ku ta interesá e doño di kas. Yüli i ougùstùs: Por usa un di e siguiente foyetonan di 32 página ku hende den bo teritorio kisas lo haña interesante: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restora paradijs, Hamas Lo Yega di Tin un Mundu Sin Guera?, Keda Vigilá!, Kico Ta Sosodé cu Nos ora Nos Muri?, “Mira! mi ta traha tur cos nobo,” Ora un Persona Stimá Muri, Spiritu dje mortonan​—⁠Nan por yudá bo of hací bo daño? Nan realmente ta existí? i Un Buki pa Tur Hende.

◼ Kongregashonnan por ahustá e programa di e reunion promé ku siman di e kongreso di distrito di manera ku nan por repasá e konseho- i rekordatorionan tokante e kongreso. Ún òf dos luna despues di e kongreso, por usa e parti di nesesidat lokal pa repasá e puntonan di e programa di kongreso ku e publikadónan a haña ku ta útil pa usa den sirbishi.

◼ Kuminsando na mei, tur kongregashon lo ofresé estudio di Beibel riba e promé djasabra di kada luna. A prepará e seri “Siña Konosé e Palabra di Dios” den E Toren di Vigilansia spesialmente pa yuda publikadónan hasi esei. Riba e último página di kada edishon di Nos Ministerio di Reino lo tin algun sugerensia kon pa presentá e revistanan siguiente luna; tambe lo tin ún sugerensia kon pa kuminsá estudio di Beibel riba e promé djasabra.