Anunsio

◼ Oferta di literatura pa mart: Kiko Beibel Ta Siña Realmente? Trata na kuminsá un estudio di Beibel durante e promé bishita. Si e doño di kas tin e buki kaba i no aseptá un estudio di Beibel, por laga revista ménos resien òf un foyeto ku tin un tópiko ku ta interesá e doño di kas. Aprel i mei: E Toren di Vigilansia i ¡Despertad! Kaminda hende mustra interes, ofresé e tratado Bo Ke Haña Sa e Bèrdat? Yüni: Kiko Beibel Ta Siña Realmente?

◼ Memorial lo ta riba djaweps 5 di aprel 2012. Si boso kongregashon normalmente tin reunion riba djaweps, mester kambia esaki pa un otro dia di siman si e Salòn di Reino ta disponibel. Si esaki no ta posibel i boso no por tene e Reunion di Sirbishi, por inkorporá e partinan ku ta partikularmente aplikabel na boso kongregashon den un otro Reunion di Sirbishi.

◼ Den futuro serkano, durante algun Reunion di Sirbishi nos lo konsiderá dos DVD. Nan ta: Hóbennan Sa Puntra—Kon Mi Por Haña Berdadero Amigu? i Hóbennan Sa Puntra—Kiko Lo Mi Hasi ku Mi Bida? Si ta nesesario, hasi pedido di e dos DVD-nan akí via kongregashon mas pronto posibel.

◼ Kongregashonnan mester saka e ehemplarnan nobo di E Toren di Vigilansia i ¡Despertad! asina ku nan yega. Esaki lo permití e publikadónan familiarisá nan mes ku e kontenido promé ku nan ofresé e revistanan den sirbishi di vèlt.

◼ Un ruman asigná pa e koordinadó di e kuerpo di ansiano mester kontrolá e kuentanan di kongregashon di luna di desèmber, yanüari i febrüari. No laga e mesun ruman hasi esei tras di otro. Ora e kaba, mester hasi un anunsio n’e kongregashon.—Wak e formulario Instrukshonnan pa Kuenta di Kongregashon (S-27).

◼ E tema pa e kongreso di distrito 2012 ta “Protehá Bo Kurason!” Nos Ministerio di Reino di aprel lo duna mas informashon ku lo por yuda bo kaba di traha bo plannan pa asistí na tur e seshonnan di e kongreso di tres dia akí. Si bo tin ku pidi bo doño di trabou liber pa bo por asistí tur tres dia, no tarda pa hasi esei.