Repaso di Skol di Ministerio Teokrátiko
Lo konsiderá e siguiente preguntanan na e Skol di Ministerio Teokrátiko den e siman di 29 di yüni 2015. E fecha promé ku e referensia ta indiká e siman ku a trata e informashon, ya asina kada ken por hasi investigashon ora e ta prepará kada siman pa e skol.
Dikon e manera ku Mikal a papia ku David no tabata bon, i ki lès parehanan kasa por siña for di e relato akí? (2 Sam. 6:20-23) [11 di mei, w11-S 1/8 pág. 12 par. 1]
Kon profeta Natan a reakshoná ora ku Yehova a korigié pasobra el a bisa David pa dal bai ku su plan pa konstruí e tèmpel pa Yehova? (2 Sam. 7:2, 3) [11 di mei, w12-S 15/2 pág. 24 par. 6-7]
Dikon Natan a konta David e parábola ku ta skirbí na 2 Samuel 12:1-7 en bes di djis bis’é ku e tabata kulpabel di piká serio? Kon e relato akí por yuda nos bira un mihó maestro? [18 di mei, w12-S 15/2 pág. 24 par. 2-3]
Kon bini Absalon por a gaña e israelitanan, i kon nos por protehá nos mes kontra hende ku ta aktua manera Absalon awe? (2 Sam. 15:6) [25 di mei, w12 1/7 pág. 18 par. 7]
Kon Yehova a perkurá pa David ora e tabata den gran nesesidat, i ki lès nos por siña for di esei? (2 Sam. 17:27-29) [1 di yüni, w08 1/9 pág. 14 par. 15-16]
Kiko nos por siña for di e manera ku David a trata Itai, kende no tabata un israelita? (2 Sam. 18:2) [1 di yüni, w09-S 15/5 pág. 27 par. 7]
Ki lès rumannan di edat den kongregashon por siña for di e ehèmpel di Barzilai? (2 Sam. 19:33-35) [8 di yüni, w07-S 15/7 pág. 15 par. 1-2]
Ki garantia e palabranan di David tokante lealtat ta duna sirbidónan di Yehova awe? (2 Sam. 22:26) [15 di yüni, w10-S 1/6 pág. 26 par. 6-7]
Kon Natan a mustra lealtat na Dios, i kon nos por imit’é awe? (1 Rei. 1:11-14) [22 di yüni, w12-S 15/2 pág. 25 par. 1, 4-5]
Kon un sirbidó di Dios por bini ku èksküs pa keda sin kumpli ku e mandamentunan di Dios, manera Sálomon probablemente a hasi? (1 Rei. 3:1) [29 di yüni, w11 1/12 pág. 12-13 par. 12-14]