E Reskate A Hasi Resurekshon Posibel

Memorial ta duna nos un bon oportunidat pa meditá riba e futuro bendishonnan ku e reskate lo hasi posibel, manera e resurekshon. Nunka tabata Yehova su propósito pa hende muri. P’esei, e doló di mas intenso ku hende por eksperensiá ta morto di un ser kerí. (1Ko 15:26) Hesus a sinti duele ora el a mira su disipelnan yora morto di Lázaro. (Hua 11:33-35) Siendo ku Hesus ta un refleho perfekto di su Tata, nos por tin sigur ku Yehova tambe ta sinti duele ora e mira nos sufri pa motibu di morto di un ser kerí. (Hua 14:7) Yehova ta anhelá e dia ku lo e lanta su sirbidónan for di morto, i nos tambe mester ta ansioso pa e dia ei yega.—Yòb 14:14, 15.

Yehova ta un Dios di òrdu; p’esei, nos por tin sigur ku e resurekshon lo tuma lugá na un manera ordená. (1Ko 14:33, 40) Lo no tin entiero mas; al kontrario, nos lo yama hende resusitá bon biní. Abo sa meditá riba e resurekshon, spesialmente ora bo ta tristu? (2Ko 4:17, 18) Bo sa gradisí Yehova pa e echo ku el a perkurá e reskate i a mustra nos den Beibel ku hende morto lo biba atrobe?—Kol 3:15.

• Kua di bo amigu- i famianan bo ta anhelá di mira atrobe?

• Kua personahe di Beibel bo tin gana di topa i papia kuné?