“At’ami aki! Manda Ami!”

Isaías su ehèmpel ta digno di imitá. El a demostrá ku e tabatin fe den Dios i semper tabata kla pa hasi loke Yehova a pidié, aunke e no tabata sa tur detaye. (Isa 6:8) Abo lo por organisá bo asuntunan pa sirbi kaminda tin nesesidat di mas publikadó di Reino? (Sl 110:3) Ta klaru ku bo tin ku “kalkulá e gastu” promé ku bo dal un paso asina. (Luk 14:27, 28) Sinembargo, bo mester ta dispuesto pa hasi sakrifisio pa e trabou di prediká. (Mat 8:20; Mar 10:28-30) Manera e vidio Nos A Bai Sirbi Kaminda Tin Mas Nesesidat ta mustra bon kla, e bendishonnan ku nos ta haña sirbiendo Yehova ta muchu mas ku e sakrifisionan ku nos ta hasi.

DESPUES DI WAK E VIDIO, KONTESTÁ E SIGUIENTE PREGUNTANAN:

• Ki sakrifisio e miembronan di e famia Williams a hasi pa por sirbi na Ecuador?

• Kiko nan a tene kuenta kuné ora di skohe e pais kaminda nan kier a bai sirbi?

• Ki bendishonnan nan a haña?

• Unda bo por haña mas informashon di lugánan ku tin nesesidat di mas publikadó di Reino?

DURANTE BOSO PRÓKSIMO ADORASHON KOMO FAMIA, ANALISÁ E SIGUIENTE PREGUNTANAN:

• Kon nos famia por hasi mas den sirbishi na Yehova? (km 8/11 4-6)

• Den ki manera nos por yuda den nos kongregashon si nos no por bai sirbi otro kaminda? (w16.03 23-25)