Alegrá den Boso Speransa

Speransa ta manera un anker. (Heb 6:19) E ta evitá ku nos ta noufragá den sentido spiritual ora nos haña nos ku laman brutu. (1Ti 1:18, 19) Laman brutu por ta desepshon, pèrdida di kos material, malesa króniko, morto di un ser kerí òf kualke otro kos ku por pone nos integridat na prueba.

Fe i speransa ta duna nos un bista kla di e rekompensa ku Dios ta primintí. (2Ko 4:16-18; Heb 11:13, 26, 27) P’esei, sea ku nos speransa ta di biba den shelu òf riba tera, nos tin ku aliment’é regularmente, meditando riba e promesanan ku tin den e Palabra di Dios. Asina ta bira mas fásil pa mantené nos goso, ora nos haña nos ku prueba.—1Pe 1:6, 7.

WAK E VIDIO ALEGRÁ DEN E SPERANSA, KABA KONTESTÁ E SIGUIENTE PREGUNTANAN:

• Dikon Moises ta un bon ehèmpel pa nos imitá?

• Ki responsabilidat kabesnan di famia tin?

• Ki temanan boso por trata den boso Adorashon Komo Famia?

• Kon speransa por yuda bo enfrentá prueba ku konfiansa?

• Kiko abo ta spera ansiosamente?